Yeremiya 19:8 - Mandinka Bible

⁸ M be ñiŋ saatewo ke la kijabo saatewo le ti, ka a ke moolu ye jutunna feŋo ti. Niŋ moo-wo-moo be tambi la jee la, a kijoo si bo, aduŋ a be ciipuroo ke la le ñiŋ kamma la kasaara kuwolu mennu boyita jee kaŋ.

Yeremiya 19:8 Mawu Ofanana

1 Mansoolu 9:8

Ñiŋ buŋo si naa ke tumbuŋo ti, aduŋ moolu mennu bee be tambi la jee be jaakali la le, aduŋ ì si ñaawaliroo ke ka a fo ko, “Muŋ ne ye a tinna Yaawe ye ñiŋ kuu siifaa ke ñiŋ bankoo moolu la, aniŋ ñiŋ buŋo?”

Yeremiya 18:16

Ì ye ì la bankoo kenseŋyandi le, ka ke jutunna feŋo ti fo abadaa. Niŋ moo-wo-moo tambita jee la a kijoo ka bo le, a ye a kuŋo jiijaa.

Yeremiya 25:18

Yerusalaamu aniŋ Yahuuda saatewolu bee, ka taa a mansoolu niŋ maralilaalu, ka ì ke tumbuŋolu ti, aniŋ ka ì kenseŋyandi. Ì keta ciiputaa ti, aniŋ dulaa dankariŋo, ko a be ñaameŋ bii.

Yeremiya 49:13

N kalita m faŋo la le ko: Bosira la kuwo be ke la kijafara kuwo le ti, a ye ke jutunna feŋo ti, ka kenseŋyaa, aniŋ ka ke dankoo ti. Aduŋ a dandanna saatewolu bee be ke la tumbuŋolu le ti fo fawu.” Yaawe le ye a fo.

Yeremiya 50:13

Nte Yaawe la kamfaa baa le be a tinna moo te sii la Babiloni kotenke, a be tu la kenseŋyaariŋ ne, moo-wo-moo tambita jee la, a kijoo be bo la le, a ye ciipuroo ke, ñiŋ kamma kasaara kuwolu mennu keta jee la.

Esekiyeli 27:36

Jula baalu mennu bee be duniyaa kono, bee le jeleta i la, kaatu i labaŋo maŋ ñiiñaa. Aduŋ i nene te soto la kotenke.’ ”

3 Musa 26:32

M be ali la bankoo kasaara la le, hani fo ali jawoolu mennu be naa sii la jee, ye kaawa ali la kuwo la.

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

5 Musa 28:37

A be ke la jee moolu ye masilaŋ kuwo le ti, niŋ ì ye a je meŋ be laariŋ ali kaŋ. Ali si naa ke ì ye jelefeŋo niŋ jutunna moolu ti bankoolu kaŋ, Yaawe be ali bayi la daamennu to.

5 Musa 29:22

Jamaanoolu mennu be naa la alitolu koolaa, aniŋ tumarankewolu mennu bota banku jamfariŋo to, ì be bankoo la tumbuŋo je la le, aniŋ Yaawe ye kuuraŋ jawoolu mennu laa a kaŋ.