Yeremiya 19:4 - Mandinka Bible

⁴ Ñiŋ moolu ye ì koo dii nte la le, ì ka cuuraayoo siisindi jalaŋolu ye ka ì batu, ì ye ñiŋ dulaa kosondi le. Itolu mu wo, ì la alifaa foloolu mu wo, aniŋ Yahuuda la mansoolu, ì maŋ feŋ loŋ ñiŋ jalaŋolu la kuwo to. Saayiŋ ì naata ñiŋ dulaa fandi niŋ moolu yeloo le la mennu maŋ kuu ke.

Yeremiya 19:4 Mawu Ofanana

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

2 Mansoolu 23:10

A ye Tofeti sadaabodulaa* tiñaa Hinnomu Wulumbaŋo kono le, ñiŋ kamma moo kana a dinkee waraŋ a dimmusu jani dimbaa kono, ka a ke sadaa ti Moleki ye.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

Jabuuroolu 106:38

Ì ka ì faŋolu dinkewolu niŋ ì dimmusoolu faa, mennu maŋ kuu ke, ka ì bondi sadaa ti Kanaani jalaŋolu ye, aduŋ wolu yeloo ye a tinna le bankoo kosota.

Yesaya 59:7

Ì tariyaata junube kuu kewo la le, ì ka hawuji ka moo faa meŋ maŋ kuu ke. Miira jawoo le ka tara ì sondomoo kono, tiñaaroo niŋ kasaaroo mu ì taaraŋ buloo ti.

Yesaya 65:11

“Bari alitolu mennu ye ali koo dii nte Yaawe la, ali ñinata n na konko senuŋo* la, ali ka domori feŋ sadaa naati Kadu jalaŋo ye, miŋ feŋ diimaa, Meni jalaŋo ye,

Yeremiya 1:16

M be n na kiitiyo taamandi la n na moolu kaŋ ne, ì la kuu jawoo to ì ye meŋ ke ka ì koo dii n na. Ì ka cuuraayoo siisindi alla koteŋolu ye le. Ì faŋolu buloolu ye mennu dadaa, ì ka wolu le batu.

Yeremiya 11:13

Ì la jalaŋolu be siyaariŋ ne ko ì la saatewolu. Wo Baali* jalaŋo meŋ na kuwo mu malu baa ti, ì ye cuuraayi siisindidulaalu mennu loo a ye, ì siyaata le ko Yerusalaamu mbeedoolu.”

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yeremiya 16:11

Bituŋ i si a fo ì ye ko, a daliiloo mu ñiŋ ne ti ko, ì la alifaa foloolu ye ì koo dii n na le ka m bula. Ì bulata jalaŋolu nooma, ka sadaa* bo ì ye, aniŋ ka ì batu, ì maŋ n na yaamaroolu muta.

Yeremiya 17:13

Kooni Yaawe, Banisirayila jikoo mu ite meŋ ti, moo-wo-moo ye a koo dii ite la, a be malu la le. Moolu mennu badalita i ma, ì be yeemaŋ na le ko safeeroo meŋ keta buutoo kono, bayiri ì ye ì koo dii ite Yaawe la le, baluwo jiyo diilaa.

Yeremiya 17:20

A fo ì ye i lamoyi nte Yaawe la kumoo la, itolu Yahuuda mansoolu, aniŋ Yahuuda moolu bee, ka taa moo-wo-moo be siiriŋ Yerusalaamu, meŋ ka duŋ niŋ wo daalu la.

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Yeremiya 2:17

Fo i faŋo le maŋ ñiŋ laa i faŋ kaŋ baŋ, biriŋ i ye i koo dii nte Yaawe i la Alla la, tuma meŋ n tarata i ñaato ka i samba siloo la?

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 2:30

A ko: “Banisirayilankoolu, ŋa ali kuluu le, bari a maŋ nafaa soto. Ali maŋ soŋ tilindiroo la. Komeŋ jata konkoriŋo, ali ye ali la annabiyomoolu faa niŋ ali la hawusaroo* le la.

Yeremiya 2:34

I la duŋ feŋolu bala niŋ fuwaaroolu yeloo le mu, moolu mennu maŋ kuu ke, i maŋ mennu muta dulaa teyi la, bari hani wo bee,

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 22:3

Nte Yaawe ye ñiŋ ne fo ko: Ali tooñaa niŋ tiliŋo taamandi. Ali moo-wo-moo bondi a toorandilaa bulu, ì ye meŋ nakari. Ali kana tumarankewolu toora waraŋ ka ì fitina, ka taa aliyatiimoolu, aniŋ furuyaamusoolu. Ali kana moolu yeloo boŋ ñiŋ bankoo kaŋ, mennu maŋ kuu ke.

Yeremiya 26:15

Bari ali si ñiŋ loŋ, a ye koyi ali ma ko, niŋ ali ye m faa, ali ye moo le yeloo boŋ meŋ maŋ kuu ke. Wo dunoo be tara la ali kaŋ ne, aniŋ ñiŋ saatewo niŋ a moolu bee. Kaatu tooñaa le mu ko, Yaawe le ye n kii ka ñiŋ kumoolu bee fo ali ye, ali tuloo ye a moyi.”

Yeremiya 26:23

Ì ye Uriya bondi naŋ Misira, ì ye a naati Mansa Yehoyakimu ye, a ye kaŋo dii ka a faa niŋ hawusaroo* la, aduŋ ì ye a baadee saatewo fuwaaroolu la kaburoo le to.

Yeremiya 44:3

Ì ye kuu jawoo meŋ ke, wo le ye a saabu. Ì ye n kamfandi le ka cuuraayoo siisindi jalaŋolu ye ka ì batu, itolu nene maŋ mennu loŋ, sako alitolu, sako ali la alifaa foloolu.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Yeremiya 7:6

Ali kana tumarankewolu toora, aniŋ aliyatiimoolu, aniŋ furuyaamusoolu. Ali kana moolu faa jaŋ, mennu maŋ kuu ke. Ali kana bula alla koteŋolu nooma ka ì batu, meŋ si ke ali la mantooroo ti.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Niikuyaa Suukuwolu 4:13

Ǹ na annabiyomoolu la junuboolu le mu, aniŋ ǹ na piriisoolu la jenke kuwolu, ì ye moolu yeloo boŋ jee, mennu keta moo tilindiŋolu ti.

Esekiyeli 20:26

Ŋa ì bula le ì ye ì faŋ kosondi ì la jani sadaalu* la. Wo le ye a saabu itolu bee ye ì diŋ foloolu dii ka ì ke jani sadaalu ti. Wo duŋ mu kuu jawu baa le ti. Ŋa ñiŋ toora siifaa laa ì kaŋ ne fo ì si a loŋ ko, nte le mu Yaawe ti.

Esekiyeli 7:22

M be n ñaa kaasi la ì la le. Ñapinkannaalu le be naa ka duŋ n na dulaa horomariŋ baa kono ka jee kosondi. Ì be duŋ na jee le ka jee kosondi.

Esekiyeli 8:11

Bituŋ Banisirayila alifaa taŋ woorowula be looriŋ ì ñaatiliŋo la. Hani Yaasaniya, Safani dinkewo be wo ñaatonkoolu kono le. Cuuraayi siisindiraŋo le be itolu bee kiliŋ-kiliŋ naa bulu, ì ka cuuraayi seera diimaalu le siisindi ì kono.

Daniyeli 11:31

A be a la kelediŋ doolu kii la le, ka Alla Batudulaa Buŋo* kono kosondi, aduŋ ì be luŋ-wo-luŋ jani sadaalu* bondoo daŋ na le. Ì be feŋ haraamuriŋo le londi la sadaajanidulaa* kaŋ, meŋ be kasaara kuu baa saabu la.

Luka 11:50

Annabiyomoolu mennu bee yeloo bonta biriŋ duniyaa foloodulaa to, ñiŋ jamaanoo moolu le be wo yeleboŋo dunoo taa la,

5 Musa 13:13

moo kuruŋolu le wulita ka saatee moolu filindi ka a fo ì ye ko, “Ali ŋà taa alla koteŋolu batu,” ali nene maŋ mennu loŋ.

5 Musa 13:6

Wo ñaa kiliŋo ñaama, hani i niŋ meŋ mu baa kiliŋ ti, waraŋ i niŋ meŋ mu faa kiliŋ ti, i diŋo waraŋ i kanumusoo waraŋ i teeri sutuŋo si naa noo i kaŋ ne kulloo kono ka i neenee ko, “Ali ŋà alla koteŋolu batu,” ite niŋ i mumuñolu nene maŋ mennu loŋ.

5 Musa 28:20

Niŋ ali baarata kuu jawoo la, ali ye ali koo dii Yaawe la, a be dankoo, jaakaloo aniŋ jikilateyoo le bula la naŋ ali kaŋ ali la kata kuwolu bee to, fo ali ye kasaara, ali ye buruka waati kiliŋ.

5 Musa 28:36

Yaawe si naa ali niŋ ali la mansa taa, ali faŋo ye meŋ tomboŋ ka ali mara, a ye ali niŋ a samba mutoo kono wandi bankoo kaŋ, ali niŋ ali mumuñolu nene maŋ daameŋ loŋ. Ali si alla koteŋolu batu jee, ì ye mennu dadaa yiroo niŋ beroo la.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

Kiitindirilaalu 5:8

Kabiriŋ ì ye alla kutoolu tomboŋ, keloo naata tara saatewo dundaŋ daalu* to. Tankaraŋ ne maŋ tara Banisirayila la ñiŋ moo wuli taŋ naanoo bulu, sako sooroo.