Yeremiya 17:7 - Mandinka Bible

⁷ “Bari barakoo be moo le ye meŋ ye a jikoo loo nte Yaawe kaŋ, meŋ jikiraŋo mu nte Yaawe ti.

Yeremiya 17:7 Mawu Ofanana

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 146:5

Seewoo be moo le ye meŋ ye Yaakuba la Alla muta a la maakoyirilaa ti, meŋ ye a jikoo loo Yaawe kaŋ, a la Alla.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 20:8

Wo moolu be taki la le, ì ye boyi, bari ntolu be wuli la le, ŋà bambaŋ.

Jabuuroolu 34:8

Moo-wo-moo si a juubee a faŋ ye Yaawe beteyaata ñaameŋ. Seewoo be moo le ye meŋ ka i tuuku a la.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

Jabuuroolu 71:5

Maariyo, n jikoo mu ite le ti. N dankeneyaata ite Yaawe le la biriŋ n dindiŋ.

Jabuuroolu 84:12

Yaawe Alihawaa Maariyo, barakoo be moo le ye, meŋ dankeneyaata i la.

Kuma Kotoomaalu 16:20

Moo-wo-moo sonta yaamarimutoo la, a be ñaatotaa soto la le, aduŋ neemoo be moo le ye meŋ laata Yaawe la.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

Yeremiya 39:18

A ko, “A be koyiriŋ ne ko m be i tankandi la le, i te faa la niŋ hawusaroo* la. I la baluwo be ke la i ye le ko ì ye meŋ kumakaa ka bo keloo to, i niyo be kana la le, i ye baluu, bayiri i laata nte la le.” Yaawe le ye a fo.

Daniyeli 3:28

Bituŋ Mansa kumata ko, “Jayiroo be Sadiraki, Mesaki, aniŋ Abedineko la Alla ye, meŋ ye a la malaayikoo kii ka a la dookuulaalu tankandi, mennu laata a la, aduŋ ì ka a batu. Ì ye nte Mansa la kaŋo soosoo le, aduŋ ì ye ì niyolu laa le. Wo le fisiyaata ì ye ñiŋ ti, ka batufeŋ koteŋ batu, meŋ maŋ ke ì la Alla ti.

Sefaniya 3:12

M be moolu mennu tu la ali kono Yerusalaamu, wolu mu fammajiilaalu le ti, aniŋ moo bataariŋolu. Ì be kali tankoo ñini la niŋ nte Yaawe too le la.

Efesusinkoolu 1:12

Ntolu mennu foloo ye ǹ jikoo loo Kiristu kaŋ, si a jayi a la semboo niŋ waroo kaŋ.