Yeremiya 17:5 - Mandinka Bible

⁵ Yaawe ye ñiŋ ne fo ko: “Dankoo be moo le ye meŋ ka a jikoo loo hadamadiŋo kaŋ, ka taamaayaa balajaata kenseŋo la, ka jenke nte Yaawe la karoo la.

Yeremiya 17:5 Mawu Ofanana

2 Taarika 16:12

A la maraloo sanji taŋ saba niŋ konontonjaŋo la, a ye siŋ dimi jawoo soto, aduŋ a jankaroo naata jawuyaa. A niŋ ñiŋ jankaroo bee, a maŋ Yaawe la maakoyiroo ñini, a ka maakoyiroo ñini jaaralilaalu le bulu.

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

Jabuuroolu 18:21

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Yesaya 2:22

Ali kana jiki hadamadiŋo la, bankumunkoo doroŋ ne mu, wo koolaa a mu muŋ ne ti?

Yesaya 20:5

Mennu laata Kusinkoolu la, aniŋ ka kibiri Misira la kuwo la, si jikilateyi, ì ye duŋ maloo kono.

Yesaya 36:6

Fo a be jikiriŋ Misira mansa le la baŋ, wo meŋ ka munta le komeŋ taamaraŋ doko katiriŋo? Moo-wo-moo sujita a kaŋ ka maakoyiroo ñini, a be i soo la i buloo kono le komeŋ ñookala katiriŋo.

Yesaya 59:15

Tooñaa buka je daa-wo-daa. Moolu mennu buka soŋ kuu kuruŋ kewo la, ǹ ka wolu le boyinkaŋ. Yaawe ye a je le, aduŋ a maŋ kontaani, kaatu kiitiyo buka kuntu a ñaama.

Yeremiya 11:3

A fo ì ye, nte Yaawe Banisirayila la Alla ko: Dankoo be moo-wo-moo ye le, meŋ maŋ n na kambeŋo kumakaŋolu muta.

Esekiyeli 6:9

Aduŋ wo moolu mennu kanata keloo to, ì hakiloo be bula la n na, wo bantala bankoolu kaŋ ne, ì ye ì samba mutoo kono daamennu to. Ì hakiloo be bula la, ì ye niitooroo meŋ laa n kaŋ ì la m fulaŋ kafuñooyaa la ka bula jalaŋolu nooma aniŋ ka hame jalaŋolu la kuwo la. Labaŋo la ì be ì faŋ koŋ na, ì kekuwolu niŋ ì la kuu haraamuriŋ kewolu la le.

Hoseya 1:2

Yaawe la diyaamu foloo Hoseya ye, a ko a ye le ko, “Taa i ye cakamusoo futuu, ali ye cakadiŋolu wuluu, kaatu ñiŋ banku moolu ka cakayaa maañaa le ke, bayiri ì ye ì koo dii nte Yaawe la le.”