Yeremiya 17:2 - Mandinka Bible

² Hani ali koomalankoolu fanaa buka ñina noo ì la sadaabodulaalu niŋ ì la Asera* jalaŋ dokoolu la, yirisuŋ biireeriŋolu koto taariŋ, konkoriŋolu kaŋ,

Yeremiya 17:2 Mawu Ofanana

2 Taarika 24:18

Ì ye ì koo dii Yaawe Batudulaa Buŋo la, ì mumuñolu la Alla, aduŋ ì ka Asera* jalaŋ dokoolu niŋ jalaŋ koteŋolu batu. Bituŋ Yaawe la kamfaa baa jiita naŋ Yerusalaamu niŋ Yahuuda bee kaŋ ì la ñiŋ junube kewo kaŋ.

2 Taarika 33:19

A la duwaa, Alla la a jaaboo, a ye junube kuwo meŋ bee ke, a la foroyaabaliyaa, aniŋ a ye jalaŋ batudulaa tintiŋolu loo dulaalu mennu to ka Asera jalaŋ dokoolu londi jee, aniŋ jalaŋ koteŋolu, janniŋ a ka a fammajii, ì bee be safeeriŋ annabiyomoolu la Kitaaboo le kono.

2 Taarika 33:3

A ye jalaŋ batudulaa tintiŋolu* lookuu, a faamaa Hesekiya ye mennu boyi nuŋ. A ye sadaabodulaalu* loo Baali* jalaŋo ye, a ye Asera* jalaŋ dokoolu loo, aduŋ a ka sujudi saŋo santo malafeŋolu bee ye ka ì batu.

Jabuuroolu 78:58

Ì ye a la kamfaa wulindi le, ka bo niŋ ì la jalaŋ batudulaa tintiŋolu* la. Ì la kuwo ye a kiiliyandi jawuke le, ì la jalaŋ leseriŋolu kamma la.

2 Musa 34:13

Ali si ì la sadaabodulaalu* janjaŋ, ali ye ì la bere buuñaariŋolu teyiŋ-teyiŋ, aduŋ fanaa, ali si ì la Asera* jalaŋ dokoolu kuntu.

Yesaya 1:29

Ali kontaanita le ka jalaŋolu batu yirisuŋ baalu koto, bari ali be naa malu la jee le. Ali ye naakoolu tomboŋ ne ka ì batu jee, bari ali be dooyaa soto la ì la kuwo to le.

Yesaya 17:8

Ì te ì ñaa loo la sadaabodulaalu* kaŋ, ì faŋo buloolu ye mennu dadaa. Ì te ì ñaa tiliŋ na ì la jalaŋolu la, wo Asera* dokoolu, aniŋ ì la cuuraayi siisindidulaalu, ì faŋolu buloolu ye mennu dadaa.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yeremiya 3:23

Tooñaa-tooñaa, jalambatoo maakaŋo konkoolu kaŋ taariŋ, wo mu ǹ ye neeneeroo le ti. Tooñaa-tooñaa, Yaawe ǹ na Alla le mu Banisirayila la kiisoo ti.

Yeremiya 3:6

Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Yeremiya 7:18

Dindiŋolu le ka loo kafu ñoo ma, faalu ye dimbaa mala, bituŋ baalu ye fariñoo nooni ka a jani mbuuroo ti jalaŋo ye, ì ka meŋ kumandi Saŋo Santo Musumansoo* la. Ì ka miŋ feŋ sadaalu* boŋ batufeŋ koteŋolu ye le, ñiŋ kamma la ka n kamfandi.

Esekiyeli 20:28

Kabiriŋ ŋa ì samba naŋ bankoo kaŋ ŋa ì laahidi ka daameŋ dii ì la, ì ye n kamfandi jee to le. Kaatu ì ka beeyaŋ sadaalu bondi jalaŋ batudulaalu le to konko jaŋolu kaŋ santo aniŋ yiri biireeriŋolu koto taariŋ. Aduŋ ì ka cuuraayi seera diimaalu le siisindi ì la jalaŋolu ye jee ka ì seewondi, ì ka miŋ feŋ sadaalu fanaa boŋ wo sadaabodulaalu* to jee le.

5 Musa 12:2

Ali ka taa bankoo meŋ taa teŋ, a moolu ka alla koteŋolu le batu. Ali ñanta ì la batudulaalu bee le tumbuŋ na fereŋ, mennu be konko baalu kaŋ waraŋ konkoriŋolu, aniŋ yirisuŋ biireeriŋolu koto.

Kiitindirilaalu 3:7

Banisirayilankoolu ye kuu jawoo le ke Yaawe ñaa koto. Ì ñinata Yaawe la, ì la Alla, ka Baali* niŋ Asera* jalaŋolu batu.