Yeremiya 17:18 - Mandinka Bible

¹⁸ Allamaa n toorandilaalu ye malu, bari kana soŋ nte ŋa malu. Ì ye jikilateyi, bari kana soŋ nte ŋa jikilateyi. Kasaaroo luŋo naati ì ye, i ye ì muumewo buruka kewu!

Yeremiya 17:18 Mawu Ofanana

Yuuba 16:14

A ye n teleŋ-teleŋ, a kirimbaasita n kaŋ komeŋ kelejawaroo.

Jabuuroolu 35:4

Allamaa mennu bee ka a kata ka m faa, ì ye bula maloo niŋ jutunnayaa kono. Allamaa mennu ka kuu jawoo siti n kamma, ì ye muru ì koo la, ì ye piwu.

Jabuuroolu 35:8

Allamaa kasaaroo ye boyi ì kaŋ moonewo kono, ì ye jaloo meŋ laa n kamma, a ye ì faŋolu muta, ì ye bula dinkoo kono ka kasaara.

Jabuuroolu 40:14

Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 70:2

Allamaa moolu ye malu mennu be a kata kaŋ ka m faa. Allamaa ì ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 71:1

Hee Yaawe*, m bambuta ite le kooma, kana soŋ ŋa malu muumeeke.

Yeremiya 1:17

“Bari ite ye i tewo siti, i ye paree. Ŋa i yaamari ka feŋ-wo-feŋ fo ì ye, i si a fo ì ye. Niŋ i silata ì la, m be i silandi kuu la ì ñaa la le.

Yeremiya 11:20

Bari ite Yaawe Alihawaa Maariyo, meŋ ka kiitii tilindiŋo ke, aniŋ ka sondomoo niŋ hakiloo kono kotobo, n si a je i be juloo joo la ì to ñaameŋ, kaatu ŋa n na kuwo dunoo tu ite le bulu.

Yeremiya 12:3

Bari Yaawe, ite ye nte loŋ ne. I ñaa ka tara n na le, ka n sondomoo kotobo i la kuwo to. Wo moo kuruŋolu bondi banta ko ì ka taa saajiyolu mennu kanateyi, i ye ì jenkendi kara la ka ì kanateyi waatoo batu.

Yeremiya 14:17

Yaawe ko: “Ñiŋ kumoo fo ì ye ko: N ñaa be faa la ñaajiyo la le, suuto tili, meŋ te dandulaa soto la, n na kanu dimmusuriŋo, n na moolu la kuwo kamma la, barama jawoo meŋ keta ì la, aniŋ busari baa.

Yeremiya 16:18

M be ì joo la ì la kuruŋyaa niŋ ì la junuboolu la le ko siiñaa fula, kaatu ì ye n na bankoo kosondi niŋ ì la jalaŋ ñewundiŋolu le la, mennu maŋ nii soto. Ì ye bankoo fandi niŋ ì la kuu jawu baalu la le, ŋa meŋ dii n na moolu la keetaabankoo ti.”

Yeremiya 17:13

Kooni Yaawe, Banisirayila jikoo mu ite meŋ ti, moo-wo-moo ye a koo dii ite la, a be malu la le. Moolu mennu badalita i ma, ì be yeemaŋ na le ko safeeroo meŋ keta buutoo kono, bayiri ì ye ì koo dii ite Yaawe la le, baluwo jiyo diilaa.

Yeremiya 17:16

Nte maŋ bori ka bo ke la i la kantarilaa ti ì kunna, aduŋ i ye a loŋ ne m maŋ luŋ jawu ŋaniya ì ye. Kumoo meŋ bota n daa, a bee be laariŋ i ñaa koto le.

Yeremiya 17:19

Yaawe ye ñiŋ ne fo n ye ko, “Taa loo Moolu la Dundaŋ Daa baa to, Yahuuda mansoolu ka duŋ niŋ finti daameŋ na. Ka bo wo to i si taa loo Yerusalaamu dundaŋ daa koteŋolu bee fanaa to.

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

5 Musa 33:11

Hee Yaawe, ì sembentuŋyaa, i ye ì la baaroolu bee muta ì ye. Ì jawoolu mennu ye i koŋ, ì bee semboo tiñaa, ì kana wuli kotenke.”

Lankenemoo 18:6

Ali a joo ko a ye a ke ñaameŋ, jooroo dii a la siiñaa fula a la kebaara jawoolu to. Ali a ñaami a ye ko siiñaa fula mindaŋo kono, ali ye a naati a ye, ko a ye a ke ñaameŋ.