Yeremiya 17:1 - Mandinka Bible

¹ Yaawe* ye ñiŋ ne fo ko: “Alitolu Yahuuda moolu, ali la junuboolu karunta ali sondomoolu kono le, aniŋ ali la sadaabodulaalu* bala, ka safee jee, ko safeeroo meŋ ñenjeta berewalaa bala nee kalaa la, waraŋ luuluu daamelundiŋo la.

Yeremiya 17:1 Mawu Ofanana

Kuma Kotoomaalu 3:3

Kana soŋ kanu bambaloo niŋ tooñaa ye ì koo dii i la, ì ke kantotaa ti, i ye ì tu i sondomoo kono.

Kuma Kotoomaalu 7:3

Ì ke ñaroo ti i bulukondiŋolu ye, i ye ì safee i sondomoo bala.

Yesaya 49:16

A juubee, ŋa i muluŋo ñenje m buluteetee bala le, n hakiloo be tu la i la sansaŋ tumbundiŋolu kaŋ ne waati-wo-waati.

Yeremiya 11:13

Ì la jalaŋolu be siyaariŋ ne ko ì la saatewolu. Wo Baali* jalaŋo meŋ na kuwo mu malu baa ti, ì ye cuuraayi siisindidulaalu mennu loo a ye, ì siyaata le ko Yerusalaamu mbeedoolu.”

Yeremiya 2:22

Hani i si i kuu muŋ ne la, waraŋ ka saafuna jamaa taa ka i kuu a la, n ñaa be tara la i la boyidaa noo kaŋ ne.” Yaawe Alla le ye a fo.

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

Hoseya 12:11

Kileyadinkoolu ka jalaŋolu le batu, moo nafantaŋolu le mu ì ti. Kilikalinkoolu ka ninsituuraalu bo sadaa ti. Ì la sadaabodulaalu* si ke ko bere tuŋolu balaŋ kuŋolu to.”

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 8:11

“Tooñaa, Efurayimu ye sadaabodulaa* jamaa le loo, ka sadaalu bo ì kaŋ junube kafaroo kamma, bari wo dulaalu naata ke junube baara dulaalu le ti.

3 Musa 4:25

Bituŋ piriisoo si a bulukondiŋo bula junube kafarilaŋ sadaa ñiŋ yeloo kono, a ye a maa sadaajanidulaa binoolu bala, a ye yeloo too boŋ sadaajanidulaa duumoo to.

Jakariya 7:12

Ì ye ì jusoolu jandi ko beroo. Ì maŋ soŋ ka ì tuloo tu luwaa niŋ yaamaroolu to, n na Nooroo ye mennu dii nuŋ annabiyomoolu la ka ì bankee. Wo le ye a tinna nte Yaawe Alihawaa Maariyo kamfaabaata ì kamma.

2 Korintinkoolu 3:3

Ali la kuwo ye a yitandi le ko, ali keta Kiristu* la leetaroo le ti, a ye meŋ safewo karafa ntolu ma. A maŋ safee niŋ duwaa la, bari Alla baluuriŋo la Nooroo, aduŋ a maŋ safee berewalaalu bala, bari hadamadiŋolu sondomoolu kono.