Yeremiya 16:5 - Mandinka Bible

⁵ “Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 16:5 Mawu Ofanana

Jabuuroolu 25:6

Hee Yaawe, kana ñina i la konotodiyaa niŋ i la kanu bambaloo la, i ka meŋ yitandi biriŋ koomanto.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yeremiya 12:12

Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 16:13

Wo kamma la, m be ì fayi la le ka bo ñiŋ bankoo kaŋ, ka taa banku kaŋ itolu waraŋ ì la alifaa foloolu maŋ daameŋ loŋ. Ì be jalaŋolu batu la wo le to suutoo aniŋ tiloo, aduŋ n te hani balafaa yitandi la ì la.”

Niikuyaa Suukuwolu 3:17

Fereŋ-fereŋ, i ye n niyo bali kayiroo la fereŋ, fo n ñinata ko seewoo faŋo sotota le.

Jakariya 8:10

Janniŋ ì ka a dati ka Batudulaa ñiŋ lookuu, dookuulaa be joo la meŋ na, waraŋ beeyaŋolu la luwaasoo, wo faŋo le maŋ soto. Taa niŋ naa faŋo maŋ koyi, jawoolu la kuwo kamma la. Ŋa a ke le, moolu ka boyi ñoo kaŋ.

5 Musa 31:17

Wo luŋo la, m be kamfaajawu la ì kamma le. M be n koo dii la ì la le, ŋa maabo ì ma, ì ye kasaara. Toora kuu jamaa si laa ì kaŋ, aniŋ kuu jawu jamaa. Wo luŋo le mu ì be a fo la ko, ‘Ñiŋ kuu jawoolu bee laata ǹ kaŋ, kaatu ǹ na Alla maŋ tara m̀ fee.’

Lankenemoo 6:4

Suu doo fanaa fintita naŋ, meŋ be wuleeriŋ. A borindilaa ye kaŋo soto le ka kayiroo bondi duniyaa kono fo moolu si ñoo faa, aduŋ hawusari* baa le diita a la.