Yeremiya 16:19 - Mandinka Bible

¹⁹ Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 16:19 Mawu Ofanana

1 Mansoolu 20:23

Bituŋ ñiŋ kuwo koolaa, Aramu mansa Beni-Hadadi la mansakundaa alifaalu naata ka a yaamari. Ì ko a ye ko, “Banisirayilankoolu la jalaŋolu mu konko kaŋ jalaŋolu le ti. Wo le ye a tinna ì ye ǹ noo keloo la. Bari niŋ ŋà ì kele kene fanuŋo kono, a koyita le ko m̀ be ì noo la le.

Jabuuroolu 18:3

Ŋa Yaawe daani, meŋ jarita ka jayi, aduŋ n tankata n jawoolu ma.

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

Jabuuroolu 62:2

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na muk.

Jabuuroolu 62:7

N na tankoo niŋ n na horomoo be looriŋ Alla le kaŋ. N na semberaŋ bere bambandiŋo le mu, aniŋ n tuukuraŋo.

Jabuuroolu 65:3

Niŋ tuma meŋ ǹ na kuu jawoolu dunoo kuliyaata ǹ kaŋ, i ka yamfa ǹ na junuboolu la le.

Jabuuroolu 68:31

Misira bankoo ye jaawaloo samba naŋ, Kusi* bankoo ye i tariyaa ka naa a bulufeŋo tiliŋ Alla la.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 44:10

Toolewo koolaa, jumaa le be a fansuŋ alla dadaa la, jalaŋo meŋ te a maakoyi noo la muumeeke?

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Yesaya 45:14

Yaawe ko Banisirayilankoolu ye ko: “Misirankoolu la naafuloo aniŋ Kusinkoolu* la marisandiisoo be ke la ali taa le ti. Sebankoolu la wo kee jaŋolu be ke la ali la joŋolu le ti. Ì be tara la bulariŋ ali nooma neejoloolu le daa. Ì be jimi la ali ye le, ì ye a fo ko, ‘Tooñaa-tooñaa, Alla be ali fee le, Alla koteŋ te keriŋ.’ ”

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 62:2

Siyoni, bankoolu be i la tiliŋo je la le, mansoolu bee ye i la kallankeeyaa* je. Too kutoo le be fo la i kunto, Yaawe* faŋo be meŋ dii la i la.

Yeremiya 10:3

Ì la aada kuwolu mu kuu fuuriŋolu le ti. Ì ka yiroo le kuntu naŋ sutoo kono, yiri leselaa ye jalaŋo dadaa a la.

Yeremiya 10:5

Ì la jalaŋolu ka munta le juburulaŋo kunku buloolu to, ì buka diyaamu noo fereŋ. Fo niŋ moo ye ì sika ka ì samba, ì buka taama noo. Ali kana sila ì la, kaatu ì buka kuu jawu ke noo moo la, sako kuu kende.”

Yeremiya 12:16

Misaali fee, niŋ a ye a tara ì ye n na moolu la siloo karaŋ a ñaama, ì ka kali n too la ka a fo ko, ‘A be koyiriŋ ñaameŋ ko Yaawe be baluuriŋ ne,’ ko itolu fanaa ye n na moolu karandi ñaameŋ ka kali Baali* jalaŋo too la, wo to ì be sabati la n na moolu kono le, ì ye firiŋ jee.

Yeremiya 14:8

Ite le mu Banisirayila jikoo ti, ite le mu a Kiisandirilaa ti mantoora waatoo kono. Muŋ ne ye a tinna i keta m̀ fee komeŋ tumarankewo, ñiŋ bankoo kaŋ, komeŋ luntaŋo meŋ jiyaata ka suutoo doroŋ laa?

Yeremiya 17:17

Kana ke n ye kooroo saabubaa ti, ite le mu n ye maabodulaa ti maasiiboo luŋo la.

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Yeremiya 2:8

Piriisoolu* maŋ a fo ko, ‘Yaawe lee?’ Wolu mennu mu Luwaa karammoolu* ti, ì maŋ n loŋ. Ñaatonkoolu balanta m ma le. Annabiyomoolu ka kuma Baali* jalaŋo tooyaa le la, ka jalaŋ kenseŋolu batu.”

Yeremiya 3:23

Tooñaa-tooñaa, jalambatoo maakaŋo konkoolu kaŋ taariŋ, wo mu ǹ ye neeneeroo le ti. Tooñaa-tooñaa, Yaawe ǹ na Alla le mu Banisirayila la kiisoo ti.

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Esekiyeli 11:16

Maarii Yaawe ye ñiŋ ne fo ko: “A fo i baadiŋ Banisirayilankoolu ye, i niŋ mennu be mutoo kono ko: Tooñaa, nte Yaawe le ye a tinna ali taata wo bankoolu kaŋ daamennu jamfata ali la bankoo la, ŋa ali janjandi wo bankoolu kaŋ ne taariŋ. Bari hani wo, nte be ali fee le wo dinkiraalu to, fo ali si m batu noo wo bankoolu kaŋ ali be janjandiŋ daamennu to.

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Amosi 2:4

Yaawe ye ñiŋ ne fo ko, “Yahuuda moolu ye landatambi junube kuwolu le ke. Ì ye nte Yaawe la luwaa soosoo, aduŋ ì maŋ bula n na yaamaroolu nooma. Ì bulata ì la alifaa foloolu la jalambatu siloolu le nooma, wo ye ì filindi. Wo kamma la n te ì jaraboo baayi la muk.

Nahumu 1:7

Yaawe beteyaata le, tankandirilaa, maasiiba waatoo la. A ka moolu le kanta mennu ka ì jikoo loo ate doroŋ kaŋ.

Habakuki 3:19

M Maarii Yaawe le mu nte semboo ti. A ye n siŋolu feeyandi m bulu ko minaŋo, ka n taamañaa sooneeyandi konkoolu kaŋ. Meŋ be suukuulaa ñaatonkayaa la: A si ke niŋ kontiŋolu la.

Jakariya 2:11

Wo luŋo la, banku jamaa si naa Yaawe kaŋ, aduŋ ì be ke la a la moolu le ti. A be sabati la ali kono le. Niŋ wo keta, ali be a loŋ na le ko, Yaawe Alihawaa Maariyo le ye n kii ali kaŋ.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Roomankoolu 1:25

Ñiŋ keta le, kaatu ì ye Alla la tooñaa kuwo faliŋ faniyaa le la. Ì sujudita feŋolu ye, mennu daata, bari ì ye ì koo dii Daamansoo faŋo la le, jayiroo be meŋ ye fo abadaa! Amiin.

1 Pita 1:18

Ali ye kumakaaraŋo loŋ ne, meŋ diita ka ali kiisa wo baluuñaa nafantaŋolu kono, ali ye mennu soto nuŋ ali mumuñolu bulu. Ali maŋ kumakaa feŋolu la mennu ka kasaara, komeŋ kodiforoo waraŋ sanoo.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”