Yeremiya 16:16 - Mandinka Bible

¹⁶ Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Yeremiya 16:16 Mawu Ofanana

1 Musa 10:9

A keta deemalaa baa le ti, Yaawe* ñaa koto. Wo kamma la moolu ka a fo ko, “A ka munta le Nimurodi, meŋ mu deemalaa baa ti Yaawe ñaa koto.”

Yesaya 2:21

Ì be bori la le ka i maabo berehuwolu kono, aniŋ konko faroolu teema, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 7:19

“Ì be naa le ka tara jurumiriŋ wulumbaŋolu kono, berehuwolu kono, ka taa ŋaniŋ sutoolu be daa-wo-daa, aniŋ dapewolu be daameŋ.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 4:29

Suuborindilaalu niŋ kalabeñe fayilaalu maakaŋo naŋ, wo le be saatewolu bee moolu borindi la. Doolu be duŋ na sutu dibiŋolu le kono, doolu ye sele ka taa konko berehuwolu kono. Saatewolu bee be kenseŋyaa la le, moo te tara la sabatiriŋ jee.

Yeremiya 49:5

M be kijafaroo le naati la i kaŋ, ka bo i dandanna bankoolu bee kaŋ. Ì be ali bayi la le, ali ye ali kuŋo loo taariŋ, moo te soto la ka borilaalu kafu ñoo ma. Yaawe Alihawaa Maariyo* le ye a fo.

Yeremiya 6:9

Yaawe Alihawaa Maariyo ye ñiŋ ne fo ko: “Banisirayila moo toomaalu mennu be tu la, ì be wolu kiliŋ-kiliŋ karaŋ feefee la le ko ì ka yiridiŋolu karaŋ feefee ñaameŋ. Ì be a yiribuloolu bululakaraŋ feefee la le ko wayini* yiridiŋ kafuŋ-kafuŋ naa.”

Niikuyaa Suukuwolu 4:18

Ruk-ruk, a duuta! Ǹ jawoolu ka ǹ wulu deema le, ì ka m̀ bali finti la ǹ na mbeedoolu kaŋ. Ǹ labaŋo siita le, m̀ baluu tiloolu banta fereŋ-fereŋ.

Niikuyaa Suukuwolu 4:19

Seeliŋo tiitoo, m̀ bayindilaalu le tariyaata wo faŋo ti. Ì ye m̀ bayindi konkoolu kaŋ, ì bitita ǹ kamma keñewuloo kono.

Hoseya 10:10

A diyaata n ye ñaameŋ, m be ali jarabi la wo le ñaama. Ali la junuboo la siyaa kaŋ, bankoolu si wuli ali kamma.

Amosi 4:2

Maarii Yaawe* kalita a faŋo too senuŋo la, a ko, “Luŋo be naa ali kaŋ, meŋ te baayi la muk. Luŋo meŋ, ì be juloo duŋ na ali nuŋolu la, ì ye ali tambindi. Ali bee si ke ko niŋ ñewo be dooliŋo daa.

Amosi 5:19

Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.

1 Samuweli 24:11

M faamaa, a juubee, ŋa i la dendika kunturiŋo meŋ muta! N si i faa noo le, bari ŋa ñiŋ dammaa le kuntu. Ñiŋ ñanta a yitandi la le ko, m maŋ ke moo kuruŋo ti, aduŋ m maŋ lafi ka balaŋ i ma. I ka m bayindi le, fo i si m faa, aduŋ m maŋ feŋ-wo-feŋ ke i la.

1 Samuweli 26:20

Kana a ke, ŋa faa a maŋ ke Yaawe ñaa la. Muŋ ne ye a tinna Banisirayilankoolu la mansa be jaatakoloo ñini la, meŋ be ko nte. Muŋ ne ye a tinna a be nte ñini la ko bereto woloo konkoolu kaŋ?”