Yeremiya 15:8 - Mandinka Bible

⁸ M be ì la furuyaamusoolu yaatewo siyandi la le, ka tambi baa daala keñoo la. Tilibula baa, m be tiñaarilaa le naati la, ŋa ì la fondinkewolu kerekere faa, ì baañolu ye ŋayibe. M be niikuyaa niŋ kijafaroo boyi la ì kaŋ ne kataba kiliŋ.

Yeremiya 15:8 Mawu Ofanana

Yesaya 3:25

Yerusalaamu, hawusaroo* le be i la kewolu faa la, i la kelejawaroolu ye faa kele wuloo kono.

Yesaya 3:26

Saatee dundaŋ daa faŋo be woosii la le ka kumboo, saatewo faŋo be muluŋ na le ko musoo, meŋ kiideeriŋo be siiriŋ bankoo to.

Yesaya 4:1

Wo luŋo la, musu woorowula be bula la kee kiliŋ nooma le, ì ye a fo ko, “M̀ be m̀ faŋolu daañini la le, ŋà m̀ faŋolu feetoofata. M̀ be lafi la ñiŋ ne la doroŋ, i too ye tara ǹ kunna. I si ǹ na futuubaliyaa maloo bondi ǹ kunto.”

Yeremiya 16:3

Kaatu nte Yaawe ye ñiŋ ne fo dinkewolu niŋ dimmusoolu la kuwo to, mennu wuluuta ñiŋ dulaa to jaŋ, aniŋ ì wuluubaalu niŋ ì wuluufaalu la kuwo to ko,

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 22:7

M be tiñaarilaalu le parendi la naŋ i kamma, ì meŋ-wo-meŋ niŋ i la jooraŋo. Ì be i la sedari* bilii ñiimaalu bee kuntuŋ-kuntuŋ na le, ì ye dimbaa duŋ ì la.

Yeremiya 4:16

A fo banku koteŋolu moolu ye ko, “A fele jaŋ de!” Ali a kankulaa Yerusalaamu kamma ko: “Boyinkannaa kelediŋolu le bota naŋ banku jaŋ to, ì be kele wuuroo kumandi kaŋ Yahuuda saatewolu ma.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”

Niikuyaa Suukuwolu 5:3

Ǹ keta aliyatiimoolu ti, faantaŋolu, m̀ baañolu keta furuyaamusoolu ti.

Esekiyeli 22:25

Ì la bankoo maralilaalu mulunta le ko jatoolu mennu ka bumbuŋ beeyaŋ suboo kunna aniŋ ì ka ì la suboolu faraŋ-faraŋ. Ì boyita a kewolu kaŋ ne ì ye ì faa, ì ye ì la musu jamaalu ke furuyaamusoolu ti. Ì ye doolu faa, ì naata wolu la sotofeŋolu niŋ ì la feŋ kummaayaariŋolu taa.

Hoseya 4:5

Suuto tili, ali niŋ annabiyomoolu ka boyi le, m be ali baamaa kasaara la le.

Luka 21:35

A be naa la moo bee le kaŋ, mennu be baluuriŋ ñiŋ duniyaa kono.