Yeremiya 15:7 - Mandinka Bible

⁷ Ŋa Yahuuda moolu fee n na feerilaŋo le la, saatee dundaŋ daalu to bankoo kaŋ taariŋ. Ŋa bonoo niitooroo, aniŋ kasaaroo le boyi n na moolu kaŋ, kaatu ì maŋ bo ì la sila kuruŋolu kaŋ.

Yeremiya 15:7 Mawu Ofanana

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Yesaya 41:16

Ali be ì fayi la foñoo kono le, ì ye janjaŋ, burufatoo ye ì tindi. Wo to ali be kontaani la le, kaatu nte le mu Yaawe ali la Alla ti, ali be nte Banisirayila la Senuŋ Baa jayi la le.

Yesaya 9:12

Aramunkoolu mennu bota tilibo maafaŋo la, Filisitinkoolu mennu bota tilijii maafaŋo la, ì ye Banisirayila tiñaa le ka a kasaara. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 5:3

Hee Yaawe, fo ite ñaa buka lafi tooñaa le je la baŋ? I ye ì busa le, bari a dimoo maŋ duŋ ì la. I ye ì kasaara le, hani wo ì balanta i la kuluuroo la. Ì ye ì sondomoolu jandi le ko beroo, ì balanta ka tuubiseyi.

Yeremiya 51:2

M be feerilaalu le naati la Babiloni kamma, ko siimaŋ feelaalu. Ì be a fee la le ka a bankoo kenseŋyandi, tuma meŋ ì be naa a kamma ka bo karoo bee la, mantooroo luŋo la.

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”

Esekiyeli 24:21

“Hadamadiŋo, i si a fo Banisirayilankoolu ye, nte Yaawe, ì Maariyo ye ñiŋ ne fo ko: A fele m be a ke la le n na Batudulaa Senuŋo ye koso, ali be tuukuriŋ meŋ na ko, wo le mu ali semboo ti, ali ñaa be looriŋ meŋ kaŋ, aniŋ meŋ ka ali niyo seewondi. Ali dinkewolu niŋ ali dimmusoolu ali ye mennu tu kooma, be faa la keloo le to.

Esekiyeli 24:25

Yaawe ko n ye ko: “Ite hadamadiŋo, luŋo be naa la, luŋo meŋ na m be ì jikiraŋo taa la ì bulu, ì la seewoo aniŋ ì be i tuukuriŋ meŋ na, aduŋ wo le mu ì ñaa ti, ì sondomoo ka seewoo meŋ na, aniŋ ì dinkewolu niŋ ì dimmusoolu bee.

Esekiyeli 36:12

Alitolu konkoolu, m be a ke la le nte faŋo la moolu, Banisirayilankoolu ye sabati ali kaŋ aniŋ ali ye ke ì taa ti, aniŋ ì la keetaafeŋo, aduŋ ì te foo la ì diŋolu la ali kaŋ kotenke.”

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

5 Musa 28:18

Dankoo si tara ali diŋolu ye, ali la fiifeŋolu, ali la ninsoolu, ali la saajiyolu aniŋ ali la baalu, ì te yiriwaa la.

5 Musa 28:32

Ali dinkewolu niŋ ali dimmusoolu si duŋ joŋyaa kono banku doo kaŋ ali faŋo ñaa koto. Ì la kuwo si kali ali meeyaa, bari ali te sembe soto la jee.

5 Musa 28:41

Ali be dinkewolu niŋ dimmusoolu wuluu la le, bari ali be foo la ì la le, kaatu ali jawoolu be ì samba la mutoo kono le.