Yeremiya 15:5 - Mandinka Bible

⁵ Yaawe ko: “Jumaa le be balafaa la alitolu Yerusalaamu moolu ye, waraŋ jumaa le be ali la kuwo kumboo la? Jumaa le be hani jenke la kara la ka ali la kuwo hati?

Yeremiya 15:5 Mawu Ofanana

Yuuba 19:21

Ali balafaa soto n ye, n teeroolu, ali balafaa soto n ye, kaatu Alla faŋo buloo le laata n kaŋ.

Jabuuroolu 69:20

Nendiroolu ye n kijoo teyi le, fo n jikilateyita. N jikita le ko m be balafaa daa soto la le, bari a maŋ soto, aniŋ sabarindilaalu, bari ì maŋ soto.

2 Musa 18:7

Wo to le Musa fintita ka taa a bitankewo benduŋ, a ñoyita, a ye a sumbu. Ì ye ñoo kontoŋ, bituŋ ì dunta tiriliisoo* kono.

Yesaya 51:19

Ñiŋ maasiiboo fula-fula boyita i kaŋ ne, kooroo niŋ kasaaroo, konkoo niŋ hawusaroo*, Jumaa le be balafaa soto la i ye? Jumaa le be i sabarindi la?

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Yeremiya 16:5

“Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 21:7

Niŋ wo keta fokabaŋ, m be Yahuuda mansakewo Sedekiya niŋ a la mansakundaa dookuulaalu, ka taa ì niŋ ñiŋ saatewo moolu duŋ na Babiloni mansakewo Nebukanesa niŋ a la moolu bulu le, ì jawoolu, mennu be ì niyo nooma. Wo le be ke la moolu ti mennu kanata hawusaroo* ma, konkoo, aniŋ alibalaa kuuraŋo. Nebukanesa be ì faa la hawusaroo la le. A te balafaa la ì ye, waraŋ ka yamfa ì ye, waraŋ ka hiina ì la.” Yaawe le ye a fo.

Niikuyaa Suukuwolu 1:17

Pirikit, jawoolu wututa naŋ Yaakuba kamma, Yaawe le ye ì yaamari a la. Yerusalaamu keta kosoo le ti a dandanna banku moolu kono. Siyoni ye a buloolu laa maakoyiri ñiniŋo la, bari a maŋ hani sabarindilaa soto. A ko,

Nahumu 3:7

Moo-wo-moo ñaa boyita i kaŋ, a si bori i la, a ye a fo ko, ‘Ninewe kasaarata le fokabaŋ, jumaa le bala be faa la a ye?’ Moo be bo noo la miŋ, meŋ be a sabarindi la?”

Kiitindirilaalu 18:15

Bituŋ ì muruta niŋ wo maafaŋo to la. Ì taata Lewi lasiloo moo la buŋo to, Mika yaa. Bituŋ ì ye a kontoŋ.

1 Samuweli 10:4

Ì be i kontoŋ na le, ì ye mbuuru kuŋ fula dii i la. Aduŋ niŋ ì ye a dii i la, i ñanta a muta la le.

1 Samuweli 17:22

Dawuda ye a la feŋolu tu bakaasi kantalaa bulu, bituŋ a borita keledulaa to, a taata a kotoolu kontoŋ.

1 Samuweli 25:5

Wo to le a ye fondinkee taŋ kii, aduŋ a ko ì ye ko, “Ali taa fo Nabali yaa Karimeli, ali ye kontondiroo futandi a ma niŋ n too la.