Yeremiya 15:18 - Mandinka Bible

¹⁸ Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 15:18 Mawu Ofanana

Yuuba 14:11

Ko baajiyo ka jaa ñaameŋ, aniŋ boloŋo jiyo ka loo ñaameŋ, a ye jaa,

Yuuba 34:6

A ko, Alla ye ate muta faniyaa folaa le ti, a be tooñaa kaŋ ñaa-wo-ñaa. Barama jaarabaloo keta a bala, a maŋ feŋ ke ñaa-wo-ñaa.

Jabuuroolu 6:3

N niyo faŋo be tooroo le kono. Hee Yaawe, fo janniŋ muŋ tuma?

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 14:3

A fankamaalu ye ì la dookuulaalu kii jiibiyo la, ì taata koloŋolu to, bari ì maŋ jii soto, ì niŋ ì la keraŋ kenseŋolu muruta naŋ. Ì maluta le fo ì keñaa bota ì kono, ì ye ì kuŋolu biti.

Yeremiya 20:18

Muŋ ne faŋo ye a tinna nte wuluuta, ka bataa niŋ niikuyaa taki, ka n siyo baŋ maloo kono?

Yeremiya 20:7

Hee Yaawe, i ye n sondi le, aduŋ n sonta le. Ite le bambanta n ti, i ye n noo le. Ì ka n ke jelefeŋo le ti tiloo muumewo, moo bee ka n ñaawali.

Yeremiya 30:12

Yaawe ye ñiŋ ne fo ko: “Ali la dimiŋo te jaara noo la, ali la baramoo te kendeyaa la noo.

Yeremiya 30:15

Muŋ ne ye a tinna ali ka kumboo ali la dimiŋo kunna, ali la dimiŋ kuwo, jaarañaa te meŋ na? Ŋa ñiŋ kuwolu ke ali la le, kaatu ali la boyidaa le warata, aduŋ ali la junuboolu siyaata baake.

Mika 1:14

Alitolu Yahuuda moolu, ali ñanta Moreseti-Kati moolu so la feŋ na le, ka ke ali niŋ ì teema sarañooloo ti. Akisibu saatewo be Banisirayila mansoolu neenee la le.

Mika 1:9

Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.