Yeremiya 15:1 - Mandinka Bible

¹ Bituŋ Yaawe* ko n ye ko, “Hani niŋ Annabilayi Musa niŋ Annabilayi Samuweli le loota n ñaatiliŋo la ka n daani ñiŋ moolu la kuwo la, n te balafaa la ì ye. Ì bayi ì ye bo n ñaa koto, ì ye taa jana!

Yeremiya 15:1 Mawu Ofanana

1 Musa 19:27

Iburayima sorita juuna ka taa dulaa to, a be looriŋ nuŋ daameŋ Yaawe ñaatiliŋo la.

2 Mansoolu 17:20

Bituŋ Yaawe ye a koo dii Banisirayilankoolu bee la. A ye ì jarabi, aduŋ a ye ì duŋ ñapinkannaalu bulu, fo a ye ì bayi ka bo a ñaatiliŋo la.

Jabuuroolu 106:23

Bituŋ a naata a fo a be ì kasaara la, bari a la tomboŋ moo Musa le loota a niŋ ì teema, ka a daani, a kana a la kamfaa jindi ì kaŋ ka ì kasaara.

Jabuuroolu 99:6

Ali hakiloo si bula Musa niŋ Haaruna la, ì tarata nuŋ Yaawe la piriisoolu* le kono. Samuweli fanaa keta moo le ti meŋ duwaata Yaawe too la. Ì woosiita a ye le, aduŋ a ye ì danku.

Kuma Kotoomaalu 14:35

Mansa ka kontaani a la dookuulaa la kuwo la le, meŋ ye ñaameŋo soto, bari a ka kamfaa dookuulaa bulu le, meŋ ka malubaliyaa maañaa ke.

Yeremiya 10:18

kaatu Yaawe ye ñiŋ ne fo ko, a be bankoo moolu fayi la kampuraŋo la ñiŋ waatoo le la. A be dimiŋ baa le naati la ì kaŋ, fo a ye duŋ ì la kendeke.

Yeremiya 11:14

A ko: “Wo to ite Yeremiya, kana duwaa ñiŋ moolu ye, waraŋ ka daaniroo ke ì ye, kaatu n te n lamoyi la ì la, niŋ ì ye n kumandi ì la mantoora waatoo kono.”

Yeremiya 14:11

Yaawe ko n ye ko, “Kana kayiroo duwaa ñiŋ moolu ye.

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Yeremiya 15:19

Wo le to Yaawe ye ñiŋ fo ko: “Niŋ i tuubiseyita, m be i seyindi la i ñaama le, aduŋ i be dookuwo ke la n ye le. Niŋ i ka kuma kesoo le fo, a maŋ ke kuma kenseŋo ti, i be ke la n na diyaamulaa le ti. Moolu le be muru la ite kaŋ, bari ite te muru la itolu kaŋ.

Yeremiya 16:13

Wo kamma la, m be ì fayi la le ka bo ñiŋ bankoo kaŋ, ka taa banku kaŋ itolu waraŋ ì la alifaa foloolu maŋ daameŋ loŋ. Ì be jalaŋolu batu la wo le to suutoo aniŋ tiloo, aduŋ n te hani balafaa yitandi la ì la.”

Yeremiya 16:5

“Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 18:20

Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Yeremiya 22:28

Moolu si a fo ko, “Fo Yehoyahini le keta jutunna moo ti teŋ, ko fenkeŋ teleŋo, ko daandiŋ teyiriŋo, moo buka feŋ meŋ hati? Muŋ ne ye a tinna ì ye a niŋ a diŋolu wafati, ka taa ì fayi banku kaŋ, ì maŋ daameŋ to loŋ?”

Yeremiya 23:39

wo to m be ì sika la le, ŋa ì fayi ka bo n ñaatiliŋo la. M be ì niŋ Yerusalaamu saatewo fayi la ñoo la le, ŋa meŋ dii ì la, aniŋ ì la alifaa foloolu la.

Yeremiya 35:19

Wo kamma la, nte Yaawe Alihawaa Maariyo, Banisirayila la Alla ye ñiŋ ne fo ko: Rekabu dinkewo Yonadabu nene te foo la koomalankoo la meŋ be dookuwo ke la nte Yaawe ye.”

Yeremiya 52:3

Yaawe la kamfaa le ye a tinna ñiŋ kuwolu bee laata Yerusalaamu kaŋ, aniŋ Yahuuda, fo labaŋo la a ye ì bayi ka bo a ñaatiliŋo la. Sedekiya naata balaŋo le tiliŋ Babiloni mansakewo la.

Yeremiya 9:19

Lembakaŋo moyi naŋ Siyoni* ko: ‘Hee, ǹ kasaarata le! Maloo feeneeta ǹ kaŋ ne! Fo ǹ si bo ñiŋ bankoo kaŋ doroŋ, kaatu ì ye ǹ na buŋolu boyi le.’ ”

Esekiyeli 14:14

Hani niŋ a ye a tara ñiŋ moo saboo, Nuha, Daniyeli aniŋ Yuuba tarata sabatiriŋ wo bankoo kaŋ, hani wolu faŋolu la tiliŋo te ñiŋ moolu tankandi noo la, fo ì faŋolu kuŋolu dammaa.” Maarii Yaawe le ye a fo.

Esekiyeli 22:30

“Wo to le, n naata moo ñini ì kono meŋ si saatewo tata sansaŋo lookuu, aniŋ ka a faroolu suki, fo meŋ si a tinna n te jee moolu kasaara la. Bari hani moo kiliŋ maŋ soto ì kono meŋ si wo ke.

Hoseya 9:15

Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Jakariya 3:3

Yosuwa be looriŋ malaayikoo ñaatiliŋo la, sitifeŋ nooriŋolu be dundiŋ a la.

5 Musa 9:26

Bituŋ n naata Yaawe daani ko, “M Maarii Yaawe, kana ì kasaara, i fansuŋ moolu le mu, i ye mennu kumakaa i semboo la, i ye ì bondi naŋ Misira bankoo kaŋ i bulu sembemaa baa la.

Hiburunkoolu 9:24

Kaatu Kiristu dunta Dulaa Senuŋ Baa meŋ to, wo maŋ dadaa hadamadiŋo buloo la. Wo Dulaa Senuŋ doo mu ñiŋ tooñaa faŋo le misaaloo ti. Kiristu taata Arijana faŋo le kono, saayiŋ a be looriŋ Alla ñaatiliŋo la ntolu ye jee.

Kiitindirilaalu 5:9

N hakiloo be Banisirayila la kelediŋ kuntiyolu kaŋ ne, aniŋ moolu, mennu wakiilita ka ì faŋolu dii. Ali Yaawe tentu!

1 Samuweli 12:19

Moolu bee ko Samuweli ye ko, “Duwaa daani Yaawe bulu, i la Alla, ntolu i la dookuulaalu la kuwo kamma la, i si a je, ǹ te faa la, kaatu ŋà ǹ na junube kuu doolu lafaa le, kabiriŋ ǹ ko, ǹ lafita mansa le la.”

1 Samuweli 12:23

N niŋ wo kuwo kewo teemoo ye jamfa ñoo la, ka junube kuwo ke Yaawe la, ka m foño ka duwaa ke ali ye. M be ali karandi la kuu kendoo niŋ sila tiliŋo le la.

1 Samuweli 7:9

Bituŋ Samuweli naata saajiiriŋo meŋ be suusuwo la taa, a ye a bee ke jani sadaa* ti Yaawe ye. Bituŋ a kumboota Yaawe ye, fo a si Banisirayila maakoyi, aduŋ Yaawe naata a la duwaa jaabi.