Yeremiya 14:4 - Mandinka Bible

⁴ Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Yeremiya 14:4 Mawu Ofanana

Yeremiya 2:37

I be bo la wo to fanaa le, i buloo ye tara laariŋ i kunto, kaatu i jikita mennu la, nte Yaawe ye wolu koŋ ne. I te ñaatotaa soto la wolu la maakoyiroo kaŋ.”

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yoweli 1:11

Alitolu senelaalu, ali sunu, ali lemba, alitolu wayini yiri topatoolaalu. Ali wiiti* niŋ baali* siimaŋo kumboo, siimaŋ katoo danta.

Yoweli 1:17

Fiifeŋ kesoolu tolita bankoo kono, buntuŋolu kenseŋo loota, maaboridulaalu boyita, kaatu siimaŋ kesoo ye moolu tu kooma le.

3 Musa 26:18

Niŋ ñiŋ kuwolu keta ali la, hani wo ali maŋ soŋ m ma, m be ali jarabi la le kotenke ko siiñaa woorowula, ali la junuboolu kamma la.

Amosi 4:8

Moolu timili-tamalita saatee niŋ saatee teema jiiñinoo la, bari ì buka jiyo soto ka i miŋ ì sawoo la. Bari hani wo bee, ali maŋ soŋ muru la n kaŋ.” Yaawe le ye a fo.

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.