Yeremiya 14:10 - Mandinka Bible

¹⁰ Yaawe ye ñiŋ ne fo Yahuuda moolu ma ko: “Ñiŋ moolu ye ñiŋ ne kanu baake, ka jenke ka bo siloo kaŋ, ì buka ì siŋo sabatindi. Wo le ye a tinna nte Yaawe maŋ ì la kuwo muta kotenke. Silaŋ n hakiloo be muru la ì la kuu jawoolu kaŋ ne, ŋa ì kuluu ì la junuboolu la.”

Yeremiya 14:10 Mawu Ofanana

1 Mansoolu 17:18

Musoo ñiŋ ko Eliya ye ko, “Alla la moo, n na muŋ kuu le be i kono? Fo i naata le ka n na junuboolu waañaari aniŋ ka a tinna n dinkewo ye faa baŋ?”

Jabuuroolu 119:101

M balanta le ka bula kuu jawu kelaalu la siloolu nooma, kaatu n lafita ite le la kumoo muta la.

Jabuuroolu 95:10

N tarata ñewundiŋ ì la le fo sanji taŋ naani, aduŋ n kumata ko, ‘Ñiŋ moolu sondomoo le ye ì filindi, ì jututa n na kuwolu la.’

2 Musa 32:34

Saayiŋ, i si taa i ye moolu ñaatonkayaa, ka taa dulaa to, ŋa daameŋ fo i ye nuŋ. N na malaayikoo le be ali ñaatonkayaa la. Bari waatoo be naa la le, m be ñiŋ moolu yankankati la ì la junube kuwo la meŋ na.”

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Yeremiya 31:34

Moo te a ñoŋ moo doo karandi la kotenke, waraŋ ka a fo a baadiŋo ye ko, ‘Yaawe loŋ!’ kaatu ì bee le be n loŋ na, biriŋ moondiŋ, fo moo baa.” Yaawe le ye a fo. “M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.” Yaawe le ye a fo.

Yeremiya 6:20

Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

Yeremiya 8:5

Muŋ ne ye a tinna duŋ, ñiŋ moolu filita, ì be tu la filibanteeyaa kono fo fawu? Ì ye neeneeri kumoo le muta bambandinke, ì balanta muru la naŋ n kaŋ.

Esekiyeli 29:16

Banisirayilankoolu nene te ì jikoo loo la Misirankoolu kaŋ kotenke. Ì hakiloo be bula la ì la junuboo la le, kabiriŋ ì taata Misirankoolu kaŋ deemaari ñinoo la. Wo kamma la, ì be a loŋ na le ko, nte le mu Yaawe ti, ì Maariyo.”

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Hoseya 11:9

N te n na jusukandoo jii la ali kaŋ, sako n si Efurayimu kasaara. Nte mu Alla Senuŋ Baa le ti, meŋ be ali fee, m maŋ ke hadamadiŋo ti. N niŋ jusukandoo te naa la ali kaŋ.

Hoseya 7:13

“Kooroo be ì ye, kaatu ì borita n na le. Kasaaroo be ì ye, kaatu ì balanta m ma le. M be hameriŋ ka ì kumakaa, bari ì ka faniyaa fo m ma.

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Amosi 3:2

“Ŋa ali doroŋ ne tomboŋ duniyaa moolu muumewo bee kono. Wo kamma la m be ali jarabi la ali la junube kuukewolu bee la le.”

Amosi 5:22

Hani niŋ ali ye jani sadaalu* le bo n ye, aniŋ siimaŋ sadaalu, n te ì muta la. Niŋ ali ye kayira sabatindiraŋ sadaalu bo n ye, n te ì juubee la faŋ, hani niŋ ali ye ì bondi ali la beeyaŋ betoolu le kono.

Hiburunkoolu 8:12

M be yamfa la ì la kuu kuruŋolu la le, n hakiloo te tara la ì la junuboolu kaŋ kotenke.”

1 Samuweli 15:2

Yaawe Alihawaa Maariyo ye ñiŋ ne fo ko: A be Amalekinkoolu yankankati la le, kaatu ì la alifaa foloolu ye Banisirayilankoolu boyinkaŋ ne, kabiriŋ ì ka bo naŋ Misira.