Yeremiya 13:21 - Mandinka Bible

²¹ I be muŋ ne fo la, niŋ ì ye moolu marandi i kunna, ite faŋo ye mennu muta i teeroolu ti? Fo dimiŋo te duŋ na i la baŋ, ko dimiŋo ka musoo muta tiŋo to ñaameŋ?

Yeremiya 13:21 Mawu Ofanana

2 Mansoolu 16:7

Ahasi ye kiilaalu kii Asiriya mansa Tikilati-Pilesa kaŋ ka a fo a ye ko, “Ahasi ko ate mu i la dookuulaa le ti, aniŋ i dinkewo. I si taa a bondi Aramu mansa niŋ Banisirayila mansa bulu, mennu naata a kamma keloo la.”

Yesaya 10:3

Ali be muŋ ne ke la mantooroo luŋo, niŋ kooroo bota naŋ dulaa jaŋ? Ali be taa jumaa le yaa ka maakoyiroo ñini? Ali be ali la naafuloo tu la mintoo le?

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yeremiya 2:25

Banisirayila, kana i sinto samatoo baŋ yaayoo la, waraŋ i kaŋo ye jaa mindoo la! Bari i ko wo mu kuma kenseŋo le ti, ite ye banku koteŋ jalaŋolu le kanu nte ti, fo i si bula wolu nooma doroŋ.”

Yeremiya 22:23

Ite ye i la ñaŋo dadaa Libanooni sedari* yiroolu le la. Bari i be ŋuntaŋ na ñaameŋ, niŋ dimiŋo laata i kaŋ luŋo meŋ na, dimiŋo, ko niŋ tiŋo ye musoo maa!

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yeremiya 38:22

A fele, musoolu mennu tuta Yahuuda mansabuŋo kono, ì be ì bee le samba la banta, Babiloni mansakewo la maralilaalu ye. Wo musoolu be tara la teelindiroo la le ko: ‘I teeri kendoolu le ye i filindi, ì ye i dundi le, saayiŋ i tututa potoo mereŋo kono, ì bee borita i la.’ ”

Yeremiya 4:30

Wo to ite kasaarariŋ bandiŋo, i ko ite ka muŋ ne ke teŋ, ka bayi ñiimaa duŋ, aniŋ ka sani ñaroolu duŋ? Muŋ ne ye a tinna i ka i ñaalu malamalandi tusunkaloo la? I ka i faŋ ñiiñandi kensenke le. I niŋ mennu be kanoo la, ì jututa i la le. Ì be i niyo le nooma.

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Yeremiya 6:24

Yerusalaamunkoolu ko, “Ŋà ì kibaaroo moyi le, m̀ buloolu tuta yondiŋ. Niitooroo le laata ǹ kaŋ komeŋ niŋ tiŋo ye musoo maa.

Esekiyeli 28:9

Niŋ i loota i faalaalu ñaatiliŋo la, fo hani saayiŋ, i be a fo la le ko, ite mu alla le ti baŋ? Bari hani wo, i maŋ ke alla ti. Hadamadiŋo doroŋ ne mu i ti, i wo faalaalu buloo kono.

Matiyu 24:8

Ñiŋ kuwolu bee ka munta le doroŋ ko tiŋo foloodulaa.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.