Yeremiya 13:16 - Mandinka Bible

¹⁶ Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 13:16 Mawu Ofanana

Yuuba 3:5

Dibi baa ye a luŋo taa, minaayoolu ye a muuri, a luŋo ñiŋ na diboo ye a silaŋñaa warandi.

Jabuuroolu 107:10

Doolu tarata baluuriŋ dibi fiŋ baa niŋ niitoora koleŋo le kono, ì tarata sitiriŋ tooroo kono joloolu daa.

Jabuuroolu 107:14

A ye ì bondi dibi fiŋ baa niŋ niitooroo kono, a ye ì la joŋyaa joloolu kuntu ì la.

Jabuuroolu 29:2

Ali Yaawe jayi a semboo niŋ a too la waroo kaŋ, ali Yaawe batu, a la kallankeeyaa niŋ a la seneyaa kono.

Jabuuroolu 44:19

hani wo i ye ǹ korindi le ka m̀ fili kunkuwuloolu kono, aduŋ i ye m̀ bula dibi baa kono.

2 Musa 10:21

Bituŋ Yaawe ko Musa ye ko, “I buloo tiliŋ saŋo maafaŋo la, fo diboo si duŋ Misira kono, diboo meŋ moo si moomooroo ke noo a kono.”

Kuma Kotoomaalu 4:19

Bari moo kuruŋolu la siloo ka munta le ko dibi baa, ì buka a loŋ ì ka taki mennu la.

Kawandilaa 11:8

Hani meŋ siimaayaata, a ñanta seewoo la a baluu saŋolu bee kono le. Bari a si ñiŋ kalamuta ko, diboo luŋolu, wo siyaata le. Feŋ-wo-feŋ be naa, a maŋ ke feŋ ne ti.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Yesaya 59:10

Ǹ ka moomooroo ke bumbaloo bala le ko finkintewolu, ǹ ka taama ko moolu mennu maŋ ñaalu soto. Tiloo ñaa la ǹ ka taki le ko niŋ m̀ be suutoo le kono. Moo bambandiŋolu kono, ntolu ka munta le ko furewo.

Yesaya 59:9

Wo le ye a tinna tiliŋo jamfata ǹ na, kiitii tilindiŋo maŋ futa ǹ na. M̀ be n yillaariŋ maloo le la, bari m̀ buka feŋ je fo diboo. Ǹ ka suula fanuñaa le la, bari ǹ ka taama dibi fiŋ baa le kono.

Yesaya 60:2

A juubee, diboo le ye duniyaa bee beŋ, dibi fiŋ baa ye bankoolu muuri, bari Yaawe la maloo be i kaŋ ne ko tiloo, a la kallankeeyaa fintita i bala le.

Yesaya 8:22

waraŋ duuma, bari ì te feŋ je la, fo niikuyaa niŋ diboo, aniŋ silaŋ kuu baa. Ì be fayi la dibi fiŋ diboo le kono.

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 2:6

Ì maŋ ñiŋ fo ko, ‘Yaawe lee, meŋ ye m bondi naŋ Misira bankoo kaŋ, meŋ tambita ǹ ñaato keñewuloo kono, dinka jawoolu be daameŋ? Wo wula jaara jiintaŋo, jaa niŋ dibi fiŋo be daameŋ, moo buka tambi niŋ jee la, sako moo si sabati jee.’

Yeremiya 23:12

“Wo kamma la ì taaraŋ siloolu be ke la ì ye le komeŋ sila namayaariŋo diboo kono. M be ì ñori la wolu le kaŋ, ì ye boyi. M be kasaaroo le boyi la ì kaŋ, niŋ m be ì jarabi la waatoo meŋ na.” Yaawe le ye a fo.

Yeremiya 4:23

Ŋa duniyaa juubee le, a be kenseŋyaariŋ, sawura te a la, saŋ fatoolu fanaa, ì malafeŋolu bee yeemanta le.

Yeremiya 50:6

“N na moolu keta saajii filiriŋolu le ti, ì kantarilaalu ye ì filindi, ì ye ì caawundi konkoolu kaŋ taariŋ, ì tarata yaayi la ka bo konko ka taa konko, ì ñinata ì la koorewo be daameŋ.

Yeremiya 6:21

Wo to Yaawe ye ñiŋ ne fo ko: “M be takiŋ-takiŋ beroolu le landi la ñiŋ moolu ñaato, ì be kali taki la mennu la, ì ye boyi, faalu niŋ diŋolu, ka taa siiñoolu niŋ teeroolu, ì bee le be kasaara la ñoo la.”

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

Niikuyaa Suukuwolu 4:17

Woyi nte! Ǹ tuta maakoyiroo koto fele la le, fo ǹ ñaalu korita. Ŋà koto feleroo ke banku le la meŋ maŋ ǹ tankandi noo.

Esekiyeli 21:15

Ŋa hawusaroo le londi ì ye, ì la bundaalu bee to, i si a je a ye ke ì ye kijateyoo ti, aduŋ a be moo jamaa le faa la ì kono, hawusari daa diimaa, meŋ ka ŋalasi ko saŋ ŋalasoo, ka faaroo ke.

Esekiyeli 34:12

Ko kantarilaa ka a la saajii filiriŋolu ñini ñaameŋ, niŋ a la saajii doolu janjanta ka taa kara doo la, m be taa n na saajiyolu ñini la wo le ñaama. M be ì bondi la naŋ dulaalu bee to le ì be janjandiŋ daamennu to, kasaaroo luŋo la, minaayoo niŋ dibi feŋ baa luŋo la.

Esekiyeli 36:15

A ko: “Nte te soŋ na ali ye bantala bankoolu la nendiri kumoolu moyi kotenke, aniŋ ka tara jutunnayaa kono kotenke, aduŋ ali te a tinna la, ali la banku moolu ye boyi kotenke.” Maarii Yaawe le ye a fo.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 5:18

Kooroo be boyi la ali kaŋ ne, alitolu mennu hameta Yaawe la ñiŋ luŋo la. Muŋ ne ye ali hamendi Yaawe la ñiŋ luŋo la? A be ke la diboo luŋo le ti, mala te soto la.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Yohana 12:35

Bituŋ Yeesu ko ì ye ko, “Maloo be ali fee le fo waatindiŋ. Ali taama, baawo ali ye maloo soto le, fo diboo kana ali muta. Moo meŋ ka taama diboo kono, wo buka a loŋ, a be taa kaŋ daameŋ to.

Yosuwa 7:19

Bituŋ Yosuwa ko Akani ye ko, “N dinkewo, horomoo dii Yaawe la, Banisirayila la Alla, i ye tooñaa fo a ye. I ye meŋ ke, a fo n ye. Kana feŋ-wo-feŋ ne nukuŋ m ma.”

1 Pita 2:8

Aduŋ: “A mu beroo le ti, moolu be taki la meŋ na, bere baa meŋ be moolu boyindi la.” Tooñaa, ì ka boyi le, kaatu ì maŋ Alla la kumoo muta. Wo boyoo keta kuwo le ti, Alla ye meŋ londi ì ye.

1 Samuweli 6:5

Ali maadiŋ muluŋolu dadaa, aniŋ ñina muluŋolu, mennu ka bankoo kasaara, aduŋ ali si Banisirayila la Alla horoma. A si ke noo le, a ye a buloo bo ali niŋ ali la alloolu kaŋ, aniŋ ali la bankoo.