Yeremiya 12:5 - Mandinka Bible

⁵ Yaawe ye jaabiroo ke ko: “Niŋ i niŋ moolu ye boroo ke, ì ye i korindi, i niŋ suwoolu si boroo ke noo baŋ? Niŋ i ka busandi kene fanuŋo to, silaŋ i be ke la sutoo kono ñaadii le Yoridani Boloŋ daala?

Yeremiya 12:5 Mawu Ofanana

1 Taarika 12:15

Itolu le ye Yoridani Boloŋo teyi tumoo meŋ na, waamoo woyita boloŋ kankuŋo bee la. Aduŋ ì ye moolu boyinkaŋ ka ì janjandi mennu be boloŋ wulumbaŋo tilibo niŋ a tilijii karoo bee la.

Jabuuroolu 42:7

I ye niikuyaa jiibalimmaalu le samba naŋ n kaŋ. N ka bumbuŋ kaŋo le moyi, meŋ dunta ñoo to. I ye mantooroo waamemaa le naati n kaŋ.

Kuma Kotoomaalu 24:10

Niŋ i buka loo noo koleyaa waatoo kono, wo to i semboo dooyaata le.

Kuma Kotoomaalu 3:11

N diŋo, kana jutu Yaawe la kuluuroo la, waraŋ ka pasi a la dandalaaroo la,

Yeremiya 11:21

Wo kamma la Yaawe diyaamuta kewolu la kuwo to le, mennu bota Anatoti, ì be siloo ñiniŋ kaŋ ka m faa. Ì ka a fo n ye le ko, “Kana kiilaariyaa kuma fo niŋ Yaawe tooyaa la, niŋ wo nte m̀ be i faa la le.”

Yeremiya 26:8

Kabiriŋ ŋa kuwolu bee baŋ fo la, Yaawe ye n yaamari ka mennu fo moolu bee ye, bituŋ piriisoolu, annabiyomoolu, ka taa jamaa moolu bee ye m muta, ì ko n ye ko, “I ñanta le ka faa!

Yeremiya 36:26

Mansa naata Yeraameeli yaamari, meŋ mu mansa diŋo ti, aniŋ Seraya, Asiriyeli dinkewo, Selemiya, Abudeeli dinkewo ka Safeerilaa Baruku muta, aniŋ nte Yeremiya. Bari Yaawe ye m̀ maabo le.

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yeremiya 50:44

Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, kantari kene kendoolu to, m be a moolu bayi la bankoo kaŋ wo ñaama le, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Yosuwa 3:15

Waamoo le ka tara Yoridani Boloŋo to sanjaanoo muumewo bee. Bari hani wo, kabiriŋ piriisoolu mennu ka Kambeŋ Kunewo samba, futata Yoridani Boloŋo ma, ì siŋo ye jiyo maa doroŋ,

1 Pita 4:12

N kanuntewolu, ali kana jaakali toora koleŋo la, meŋ be ali kotobo kaŋ ko dimbaa. A kana ke feŋ ti ali fee, meŋ maneeta.