Yeremiya 12:15 - Mandinka Bible

¹⁵ Bari niŋ ŋa wo ke wo banku moolu la fokabaŋ, m be naa balafaa la ì ye le, ŋa ì murundi ì fansuŋ bankoolu kaŋ, meŋ-wo-meŋ a bota daameŋ to.

Yeremiya 12:15 Mawu Ofanana

Yeremiya 16:15

Bari ì be kali i kali la le ko, ‘A be koyiriŋ ñaameŋ ko Yaawe be baluuriŋ ne, meŋ ye Banisirayilankoolu bondi naŋ bankoo meŋ be maraa kara maafaŋo la, aniŋ banku koteŋolu bee kaŋ, a ye ì janjandi daamennu to.’ Kaatu m be ì murundi la naŋ bankoo kaŋ ne ŋa meŋ dii ì la alifaa foloolu la.”

Yeremiya 24:6

M be n ñaa loo la ì kaŋ ka kuu kendoo le ke ì ye, aduŋ m be ì murundi la naŋ ñiŋ bankoo kaŋ ne. M be ì tutu la le, n te ì suloo wutu la, ŋa ì loo, n te ì boyi la.

Yeremiya 29:14

ali be n je la le. Nte Yaawe le ye a fo, aduŋ m be ali samba la naŋ ne ka bo bankoolu bee kaŋ, ŋa ali janjandi daamennu to. M be ali murundi la ali la firiŋo to le, ka ali murundi dulaa to ŋa ali bondi daameŋ ka ali samba mutoo kono.” Yaawe le ye a fo.

Yeremiya 3:12

Wo to taa, i ye ñiŋ kumoolu kankulaa Banisirayila ye, bankoo meŋ be maraa kara maafaŋo la ko: Muru naŋ, ite Banisirayila muritiriŋo.” Yaawe le ye a fo. “N te kamfaa la ka n ñaa kuyaa i kamma kotenke, kaatu m balafaa warata le.” Yaawe le ye a fo. “N te tu la kamfaariŋ fo fawu.

Yeremiya 3:17

Wo waatoo la, ì be kali Yerusalaamu kumandi la Yaawe la Mansasiiraŋo le la. Duniyaa banku moolu bee be beŋ na jee le ka m batu n too la, aduŋ ì te bula la ì la sondome jaa niŋ kuruŋyaa nooma kotenke.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Yeremiya 48:47

“Hani wo, m be Mowabi murundi la firiŋo kono le, ñaato siniŋ.” Yaawe le ye a fo. Kiitindiroo meŋ ñanta laa la Mowabi bankoo kaŋ, a kumoo danta jaŋ ne.

Yeremiya 49:39

Bari ñaato siniŋ, m be Elamu murundi la firiŋo kono le.” Yaawe le ye a fo.

Yeremiya 49:6

“Bari wo bee koolaa, m be naa Ammoninkoolu murundi la firiŋo kono le.” Yaawe le ye a fo.

Daniyeli 11:4

Bari niŋ a loota mansayaa to fo a bambanta, a la mansamarali bankoo be teyi la le, a ye janjaŋ tonkoŋ naanoo bee la, aduŋ a be talaa la mennu teema, wolu te ke la a koomalankoolu ti. Ì la maraloo niŋ a taa te kaañaŋ na. Ì be a la mansamarali bankoo taa la le ka a dii moo koteŋolu la, mennu niŋ ate koomalankoolu te ke la kiliŋ ti.

Amosi 9:14

M be n na moolu Banisirayilankoolu murundi la naŋ ne ka bo mutoo kono. Ì ye naa ì la saatee tumbundiŋolu lookuu, ì ye sabati ì kono. Ì ye wayini yiroolu tutu, ì ye ì jiyolu miŋ, ì ye naakoolu dookuu, ì ye i munafaŋ ì la.

4 Musa 32:18

Ǹ te muru la ǹ yaa fo niŋ Banisirayilankoolu bee ye ì la keetaakenoo soto.

Kiilaalu 15:16

‘Ñiŋ kuwolu koolaa, m be muru la le. M be Dawuda la sabatidulaa lookuu la meŋ boyita. Ŋa a dulaa tiñaariŋolu lookuu, m be a dadaa la le ko a be nuŋ ñaameŋ.

5 Musa 3:20

Ali ñanta ali baadiŋ Banisirayila lasili doolu maakoyi la le fo ì si ì jawoolu noo, ì ye bankoo taa Yaawe ali la Alla be naa meŋ dii la ì la, Yoridani Boloŋo tilijii karoo la. Niŋ Yaawe ye a ke fo ì sabatita kayiroo kono ko a ye a ke ali ye ñaameŋ, bituŋ ali si muru naŋ ñiŋ dinkiraa to ŋa meŋ dii ali la.”

5 Musa 30:3

Yaawe be balafaa soto la ali ye le, a ye ali murundi naŋ ka bo bankoolu kaŋ, a ye ali janjandi daamennu to. A be ali firindi la le kotenke.