Yeremiya 12:12 - Mandinka Bible

¹² Kasaaralilaalu naata niŋ keñewula tintiñaalu bee le la. Nte Yaawe ye keloo le naati niŋ hawusaroo* la, ka bankoo kasaara biriŋ tonkoŋ fo tonkoŋ. Moo te kayira soto la.

Yeremiya 12:12 Mawu Ofanana

Yesaya 34:6

Yaawe la hawusaroo ñeelita yeloo la le, a fuumata keŋo la, saajiiriŋolu niŋ baalu keŋo, saakotoŋ kookiloolu keŋo. Yaawe be sadaa* le bo kaŋ Bosira, kanateyiri baa, Edomu bankoo kaŋ.

Yesaya 57:21

N na Alla ko: “Moo kuruŋolu te kayiroo soto la muumeeke.”

Yeremiya 15:2

Niŋ ì ye i ñininkaa ko, ‘M̀ be taa mintoo le?’ a fo ì ye, nte Yaawe ye ñiŋ ne fo ko: Mennu taa mu alibalaa kuuraŋo ti, wolu niŋ alibalaa kuuraŋo le mu, mennu taa mu ka faa hawusaroo* la, wolu niŋ hawusaroo le mu, mennu taa mu ka faa konkoo la, wolu niŋ konkoo le mu, mennu taa mu ka taa mutoo kono, wolu niŋ mutoo le mu.”

Yeremiya 16:5

“Nte Yaawe be ñiŋ ne fo la ite ye ko: Kana duŋ saŋabuŋ kono, waraŋ ka taa woosii jee, waraŋ ka ì la saŋo kumboo. Kaatu ŋa n na kayiroo niŋ n na kanu bambaloo, aniŋ n na balafaa bondi ñiŋ moolu kaŋ ne. Nte Yaawe le ye a fo.

Yeremiya 25:11

Ñiŋ bankoo muumewo be ke la tumbuŋo le ti ka kenseŋyaa. A niŋ a dandanna bankoolu be tara la Babiloni mansakewo la kaŋo koto le fo sanji taŋ woorowula.

Yeremiya 3:2

A ko: “I ñaa wuli i ye konkoolu kaŋ juubee baŋ! Fo wo dulaa le be jee, ì maŋ i laañooyaa daameŋ? I ka sii sila dandaŋolu le la, ka tara baturoo la, i niŋ meŋ be kanoo ke la, i ka munta ñapinkannaa meŋ ka biti moolu kamma keñewuloo* kono. I ye bankoo kosondi le, ka bo i la cakayaa niŋ kuruŋyaa la.

Yeremiya 3:21

Wuurikaŋo bota naŋ konkoolu kaŋ, Banisirayilankoolu le kumboo kaŋo mu, aniŋ ì woosiikaŋo, kaatu ì ye kuruŋyaa le ke ì taaraŋ siloo ti, ì ñinata Yaawe ì la Alla la.

Yeremiya 30:5

“Nte Yaawe ye ñiŋ ne fo ko: Kumboo kaŋo, n ka wo le moyi, silaŋo kamma la, aniŋ kijafaroo, a maŋ ke kayiroo ti.

Yeremiya 34:17

Wo kamma la, Yaawe ye ñiŋ ne fo ko: “Ali maŋ soŋ m ma. Ali maŋ soŋ na fansotoo dii la ali baadiŋ Banisirayilankoolu la. Wo to silaŋ, nte si fansotoo dii alitolu la, fansotoo meŋ be ke la ñiŋ ti: Ka ali faa niŋ hawusaroo la, alibalaa kuuraŋo, aniŋ konkoo. M be ali la kuwo ke la duniyaa bankoolu bee ye masilaŋo le ti.

Yeremiya 4:27

Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

Yeremiya 46:10

Bari luŋo ñiŋ mu nte Yaawe Alihawaa Maariyo* la luŋo le ti, julujoo luŋo, ka n joo n jawoolu to. Hawusaroo* be faaroo ke la le fo a ye tiiña, a ye i miŋ ì yeloo la fo a ye ñeeli. Kaatu nte Yaawe Alihawaa Maariyo be faari sadaaboo le ke la, maraa kara bankoo kaŋ, Yufurati Boloŋo daala.

Yeremiya 47:6

“Ali ka ñiŋ ne kumboo ko, ‘Hee, Yaawe la hawusaroo*, muŋ tuma le i be i foño la faaroo la? Seyi i laa kono, i ye i foñondiŋ ka tenkuŋ.’

Yeremiya 48:2

Daraja te Mowabi ye kotenke, ì ye kuu jawoo le feere a kamma Hesiboni ko: ‘Ali ŋà a la bankuyaa daŋ.’ Alitolu Madumeni saatee moolu fanaa be taa deyoo kono le yem. Hawusaroo* be naa ali kamma le.

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

Niikuyaa Suukuwolu 3:17

Fereŋ-fereŋ, i ye n niyo bali kayiroo la fereŋ, fo n ñinata ko seewoo faŋo sotota le.

Esekiyeli 14:17

“Niŋ a ye a tara, ŋa keloo le naati ì la wo bankoo kaŋ naŋ, ŋa ì jawoolu yaamari ka hadamadiŋolu niŋ beeyaŋolu bee faa jee,

Esekiyeli 21:28

Yaawe ko: “Ite hadamadiŋo, kiilaariyaa kumoo fo Ammoninkoolu ye. A fo ì ye, nte Yaawe Alla ye ñiŋ ne fo ì la kuwo to, aniŋ ì la nendiri kumoolu to ko: Ŋa hawusaroo le parendi ì kamma, ka ì faa. Ŋa a daa diyaa le, fo a ka ŋalasi ko saŋ ŋalasoo.

Esekiyeli 21:4

Ŋa n na hawusaroo bondi a laa kono le, aduŋ a be naa moo bee le kaŋ ka bo tonkoŋ fo tonkoŋ, ka moo tilindiŋolu niŋ moo kuruŋolu bee faa.

Esekiyeli 21:8

Yaawe la kumoo naata n kaŋ ko:

Esekiyeli 21:9

“Ite hadamadiŋo, kiilaariyaa kumoo fo moolu ye ko, nte Yaawe, ì Maariyo ye ñiŋ ne fo ko: Ŋa hawusaroo daa diyaa le tal fo a ka malamala.

Esekiyeli 5:2

Niŋ luŋo meŋ na Yerusalaamu saatee sukoo kumfaata, i si wo kuntiñoolu talaadaa doo landi wo birikoo kaŋ, Yerusalaamu be nuuneeriŋ meŋ kaŋ, i ye a jani. I si talaadaa doo sepuŋ-sepuŋ hawusaroo* la, i ye a janjaŋ wo birikoo dandaŋo bee la. I ye talaadaa doo fayi santo ka janjaŋ foñoo kono. Nte faŋo le be hawusaroo buusi la a laa kono, ka bula ì nooma.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Amosi 9:4

Hani niŋ ì jawoolu le ye ì samba ka tara mutoo kono, n si ì bula hawusaroo ye ì faa. N si n ñaa loo ì kaŋ, a te ke la ì ye kayira ti, fo jaraboo.”

Sefaniya 2:12

Alitolu Kusinkoolu* fanaa, Yaawe ye ñiŋ ne fo ko, “N na hawusaroo* le be ali faa la.”

5 Musa 32:42

N na kalabeñoolu be suuri la ì balajaatoo kono le, n na hawusaroo* ye i miŋ ì yeloo la, moo baramariŋolu niŋ mutamoolu yeloo, aniŋ jawu kuntiña jaŋolu.

Lankenemoo 6:4

Suu doo fanaa fintita naŋ, meŋ be wuleeriŋ. A borindilaa ye kaŋo soto le ka kayiroo bondi duniyaa kono fo moolu si ñoo faa, aduŋ hawusari* baa le diita a la.