Yeremiya 12:1 - Mandinka Bible

¹ Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yeremiya 12:1 Mawu Ofanana

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

Esira 9:15

Hee Yaawe, Banisirayila la Alla, ite tilinta le. Bari hani wo, i ye moo toomaalu tu ǹ kono le ka baluu, ko a be ñaameŋ bii. Ǹ sonta le ko m̀ boyita le, aduŋ ntolu kono hani moo kiliŋ maŋ jari ka loo i ñaatiliŋo la.”

Nehemiya 9:33

Kuu-wo-kuu keta ǹ na, ite le boloota. Ite taamata tiliŋo le la, bari ntolu taamata jenkoo le la.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Yuuba 13:3

Bari nte be diyaamu la Alla Tallaa le ye, aduŋ m be lafi la le n niŋ a ye n na kuwo kiitii ñoo kaŋ.

Yuuba 24:12

Moolu mennu be saayaa siloo kaŋ, ì ŋuntaŋ kaŋo ka finti saatewo kono naŋ ne. Baramatoolu ka tara woosii kaŋ maakoyiroo la. Bari Alla buka ì danku.

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Yuuba 8:17

Ì suloolu be miniŋ-minindiŋ bere tuŋo la, ì be bambandiŋ beroolu bala.

Jabuuroolu 116:5

Yaawe hiinanteeyaata le, aduŋ a tilinta. Ǹ na Alla balafaa warata le.

Jabuuroolu 119:137

Yaawe, ite tilinta le, i la kiitiiteyoo mu tooñaa le ti.

Jabuuroolu 119:75

Hee Yaawe, ŋa a loŋ ne ko, i la kiitiiteyoolu tilinta le, i ye n jarabi le, kaatu i tilinta le.

Jabuuroolu 145:17

Yaawe tilinta a kekuwolu bee le to, a ka balafaa yitandi a la keroolu bee to.

Jabuuroolu 37:1

Kana diminnaa moo jawoolu la kuwo kamma la. Kana ñaabo kuu kuruŋ kelaalu fee.

Jabuuroolu 37:35

Ŋa moo jawoo je le, meŋ tilimbaliyaata, aduŋ a ye buŋ ka jaŋ, komeŋ Libanooni sedari* yiroo.

Jabuuroolu 51:4

Ŋa junube kuwo ke ite doroŋ ne la, aduŋ ŋa kuu le ke meŋ jawuyaata i ñaa koto. Wo kamma la i boloota le ka kiitiyo laa n kaŋ, aduŋ i la kiitiyo maŋ sootaari soto.

Jabuuroolu 51:6

Ite ye konotoseneyaa niŋ tooñaa le kanu, wo kamma la n karandi, ka ñaameŋo ke n sondomoo kono.

Jabuuroolu 92:7

Moo kuruŋolu ka jambandi le komeŋ ñaamoo, kuu jawu kelaalu ka firiŋ, hani wo ì be kasaara la le fereŋ.

Kuma Kotoomaalu 1:32

Ka siloo bula, wo le ka moo sooneeyaariŋ baa faa. Toolewolu ka laa meŋ ke ì faŋo daajikoolu la, wo le ka ì kasaara.

Kawandilaa 8:14

Kuu nafantaŋo doo le fanaa be jee meŋ ka ke ñiŋ duniyaa kono: Moo tilindiŋolu ñanta meŋ soto la, moo kuruŋolu ka wo le soto, meŋ ñanta laa la moo kuruŋolu kaŋ, wo ye laa moo tilindiŋolu kaŋ. N ko, ñiŋ fanaa maŋ ke feŋ ti.

Yesaya 41:21

Yaawe, Yaakuba la Mansa ko bantala bankoolu* ye ko, “Ali si ali la kuwolu laa n ñaa koto, ali ye ali la daliiloolu naati.

Yesaya 48:8

Kabiriŋ koomanto, ali buka i lamoyi ñiŋ kuwolu la, ka ì fahaamu, sako ka n na kumoo moyi. Ŋa a loŋ ne ko, ali be ke la n ye jamfantuŋolu le ti. Ali muritita m ma le, biriŋ ali wuluuta.

Yeremiya 11:20

Bari ite Yaawe Alihawaa Maariyo, meŋ ka kiitii tilindiŋo ke, aniŋ ka sondomoo niŋ hakiloo kono kotobo, n si a je i be juloo joo la ì to ñaameŋ, kaatu ŋa n na kuwo dunoo tu ite le bulu.

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Yeremiya 3:20

Bari hanii, ko musoo meŋ muritita a keemaa ma, i muritita nte ma wo le ñaama, ite Banisirayila.” Yaawe le ye a fo.

Yeremiya 3:7

Ŋa a miira le nuŋ ko, a la ñiŋ kuwolu bee keriŋ koolaa, a be muru la n kaŋ ne. Bari a maŋ muru naŋ, aduŋ Yahuuda faŋo ye wo je le, a baadiŋ jenkeriŋo.

Yeremiya 32:16

Kabiriŋ ŋa seedeyaaraŋ kayitoo dii Baruku la, Neriya dinkewo fokabaŋ, n duwaata ka Yaawe tentu ko:

Yeremiya 5:11

Banisirayila niŋ Yahuuda jenketa n na karoo la le fereŋ.” Yaawe le ye a fo.

Yeremiya 9:2

M be lafiriŋ ne ŋa jiyaa dulaa soto keñewuloo* kono, komeŋ jamfajaŋ taamalaa. Fo n si n na moolu bula, ŋa taa ka bo ì kono, kaatu ì bee jeenelaa, aduŋ ì mu fisiriwallee kafoo le ti.

Niikuyaa Suukuwolu 1:18

“Rim! A fele m boyita bataa kono, moo bee, ali i lamoyi. N na sunkutoolu niŋ fondinkewolu, ì ye ì bee le samba mutoo kono. Yaawe tilinta le, bari hani wo m balanta a la kumoo la.

Esekiyeli 18:25

“Hani wo ali ka ñiŋ ne fo ko, ‘Maariyo la kiitiyo maŋ tiliŋ.’ Alitolu Banisirayilankoolu, ali i lamoyi n na. Nte le la kiitiyo maŋ tiliŋ baŋ? Wo ye a tara alitolu faŋolu le tilimbaliyaata.

Daniyeli 9:14

Yaawe, wo le ye a tinna i ye waatoo parendi ka ñiŋ kasaara kuwo samba naŋ ǹ kaŋ, kaatu ite Yaawe ǹ na Alla, ka taama tiliŋo doroŋ ne la, kuwolu to i ka mennu ke. Ntolu le maŋ i la kumoo muta.

Daniyeli 9:7

Maariyo, ite doroŋ ne ka taama tiliŋo la, bari ntolu ka maloo doroŋ ne laa m̀ faŋolu kaŋ, ko a be ñaameŋ bii. Wo le keta ntolu Yahuudoolu ti, ka taa moolu mennu be siiriŋ Yerusalaamu, aniŋ Banisirayila moo toomaalu bee, i ye mennu janjandi dulaa jaŋolu niŋ dulaa sutuŋolu to. I ye wo ke le kaatu ì ye jamfaa kuwo le ke i la.

Hoseya 6:7

“Ko a keta nuŋ ñaameŋ Adama saatewo maafaŋo la, Banisirayila ye kambeŋo tiñaa, n niŋ ì ye meŋ siti. Ì ye foroyaabaliyaa tiliŋ n na jee.

Habakuki 1:4

Luwaa la kuwo lamfuta, tooñaa nene maŋ sabati, kuruŋolu ye kendoolu kada, tooñaa nakarita.

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Malaki 3:15

Bari saayiŋ a fele, faŋ wara moolu ǹ ka wolu le kumandi neema moolu la. Ì ka baara kuu kuruŋo la ñaa-wo-ñaa, ì ka ñaatotaa soto le. Ì ka tara Alla sooki kaŋ ñaa-wo-ñaa, ì ka kana le.’ ”

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.