Yeremiya 11:9 - Mandinka Bible

⁹ Yaawe naata a fo n ye tukuŋ ko, a ye jamfaa le je Yahuuda moolu la karoo la, aniŋ mennu be siiriŋ Yerusalaamu saatewo kono.

Yeremiya 11:9 Mawu Ofanana

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Yeremiya 6:13

Yaawe ko: “Biriŋ moondiŋ, fo moo baa, ì bee le hadumeta ka sotoo ke niŋ jenkoo la. Biriŋ a annabiyomu, fo a piriisi*, ì bee le ka taama faniyaa la.

Yeremiya 8:10

Wo kamma la m be ì la musoolu dii la moo koteŋolu le la, ŋa ì la kunkoolu dii ì noobaalu la, kaatu biriŋ moondiŋ, fo moo baa, ì bee le hadumeta ka sotoo ke niŋ jenkoo la. Ka bo a annabiyomu, fo a piriisi*, ì bee le ka taama faniyaa la.

Hoseya 6:9

Ko suŋolu ka biti moolu kamma ñaameŋ, piriisoolu* ka kumbeŋ ñoo kaŋ wo le ñaama. Ì ka faaroo ke le hani Sekemu siloo kaŋ, ì la ñiŋ kuu kuruŋolu mu malu kuu baa le ti.

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Matiyu 26:15

A ko ì ye ko, “Ali be muŋ ne dii la nte la, niŋ ŋa Yeesu duŋ ali bulu?” Bituŋ ì ye kodiforo kuntu taŋ saba dii a la.

Yohana 11:53

Ka bo wo luŋo la, Yahuudi kuntiyolu ye feeroo siti ka Yeesu faa.