Yeremiya 11:6 - Mandinka Bible

⁶ Yaawe naata a fo n ye ko, “Ñiŋ kumakaŋolu bee kankulaa Yahuuda saatewolu kono, aniŋ Yerusalaamu mbeedoolu kaŋ ka a fo ì ye ko, ì ye i lamoyi n na kambeŋo kumakaŋolu la, ì ye ì ke.

Yeremiya 11:6 Mawu Ofanana

Jabuuroolu 15:5

A buka a la kodoo dontolaa ka lankaŋo ñini, aduŋ a buka dukoo muta ka moolu la boloo taa, mennu maŋ kuu jawu ke. Moo meŋ ka kuwolu taamandi teŋ, wo te wutu la a noo to.

Yesaya 58:1

Yaawe* ko: “Sari kendeke, kana i kaŋo jii. I kaŋo sikandi santo i ye sari ko bina kumakaŋo. N na moolu la balaŋo kankulaa ì ye, i ye Yaakuba koomalankoolu la junube kuwolu koyindi ì ma.

Yeremiya 19:2

i ye taa niŋ Daandiŋ Teleŋ Dundaŋ Daa la. I si finti ka taa Beni-Hinnomu Wulumbaŋo kono, i ye kumoolu kankulaa jee, ŋa mennu fo i ye.

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Yeremiya 3:12

Wo to taa, i ye ñiŋ kumoolu kankulaa Banisirayila ye, bankoo meŋ be maraa kara maafaŋo la ko: Muru naŋ, ite Banisirayila muritiriŋo.” Yaawe le ye a fo. “N te kamfaa la ka n ñaa kuyaa i kamma kotenke, kaatu m balafaa warata le.” Yaawe le ye a fo. “N te tu la kamfaariŋ fo fawu.

Yeremiya 7:2

n si taa loo Yaawe Batudulaa Buŋo* dundaŋ daa to, ŋa ñiŋ kumoo kankulaa jee ko: “Alitolu Yahuuda moolu bee, mennu ka duŋ niŋ ñiŋ dundaŋ daalu la ka Yaawe batu jaŋ, ali i lamoyi Yaawe la kumoo la.

Jakariya 7:7

Fo Yaawe maŋ ñiŋ kumakaŋolu le bankee nuŋ ka bo niŋ a la annabiyomoolu la, waatoo meŋ Yerusalaamu be faariŋ moo la, a be neemoo kono, a niŋ a dandanna saatewolu, moolu tarata sabatiriŋ hani Nekefu* tundoo aniŋ Sefela* konkotundoo* to?

Yohana 13:17

Niŋ ali ye ñiŋ kuwolu loŋ, aduŋ ali ye ì ke fanaa, ali be barakoo soto la le.

Roomankoolu 2:13

A maŋ ke ko, Luwaa moyoo le be moolu tilindi la Alla ñaatiliŋo la, bari Luwaa mutalaalu le be tiliŋo soto la.

5 Musa 4:1

Bituŋ Musa ko ì ye ko: Alitolu Banisirayilankoolu, ali si luwaalu niŋ saratoolu bee muta, ali ye taama ì la ko ŋa ali karandi ì la ñaameŋ. Niŋ ali ye wo ke, wo to ali be baluu la le, i si a je ali ye duŋ noo ka bankoo taa, Yaawe*, m̀ mumuñolu la Alla be daameŋ dii la ali la.

5 Musa 4:5

Baawo ŋa ali karandi luwaalu niŋ saratoolu bee la le, ko Yaawe n na Alla ye n yaamari ka a ke ñaameŋ, wo to ali si soŋ ì la, bankoo kaŋ ali be naa duŋ na daameŋ ka a taa.

Yankuba 1:22

Ali kana ke kumoo moyilaalu doroŋ ti, meŋ mu faŋ neenewo ti, bari ali si ke a baaralaalu ti.