Yeremiya 11:11 - Mandinka Bible

¹¹ Wo kamma la Yaawe ye ñiŋ ne fo ko, “A juubee, m be kuu jawoo le naati la ì kaŋ ì te kana noo la meŋ ma. Hani ì si kumboo n ye, n te n lamoyi la ì la.

Yeremiya 11:11 Mawu Ofanana

2 Mansoolu 22:16

‘Yaawe, Banisirayila la Alla ko: M be maasiiba kuwo le samba la naŋ ñiŋ dulaa niŋ a moolu kaŋ, aniŋ kumakaŋolu mennu be ñiŋ kitaaboo kono, Yahuuda mansa ye meŋ karaŋ.

2 Taarika 34:24

‘Yaawe, Banisirayila la Alla ko: M be maasiiboo naati la naŋ ñiŋ dulaa niŋ a moolu kaŋ ne, aniŋ dankoo meŋ bee be safeeriŋ ñiŋ kitaaboo kono, meŋ karanta Yahuuda mansa ye,

Yuuba 35:13

Tooñaa-tooñaa, Alla Tallaa te i danku la a la woosii kuma kenseŋo la, a te i lamoyi la a la.

Jabuuroolu 18:41

Ì ye maakoyiroo kumboo, bari moo te jee, meŋ si ì tankandi. Ì woosiita Yaawe ye, bari a maŋ ì danku.

Jabuuroolu 66:18

Niŋ ŋa n ñaa laa n na junuboolu kaŋ nuŋ, tennuŋ Maariyo te i lamoyi la n na.

Kuma Kotoomaalu 1:28

Wo to le ali be n kumandi la, bari n te ali danku la, ali be n ñini la le, bari ali te n je la.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Yesaya 24:17

Alitolu duniyaa moolu, kijafaroo, kaburu dinkoo, aniŋ kutindiŋo be ali batu kaŋ ne.

Yeremiya 11:14

A ko: “Wo to ite Yeremiya, kana duwaa ñiŋ moolu ye, waraŋ ka daaniroo ke ì ye, kaatu n te n lamoyi la ì la, niŋ ì ye n kumandi ì la mantoora waatoo kono.”

Yeremiya 11:17

Yaawe Alihawaa Maariyo*, meŋ ye ite Banisirayila niŋ Yahuuda tutu, a ye kasaaroo le fo ali kunna, kaatu ali ka kuu jawoolu le ke. Ali ka a kamfandi le ka bo niŋ ali ka cuuraayoo meŋ siisindi Baali jalaŋo ye.

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Yeremiya 15:2

Niŋ ì ye i ñininkaa ko, ‘M̀ be taa mintoo le?’ a fo ì ye, nte Yaawe ye ñiŋ ne fo ko: Mennu taa mu alibalaa kuuraŋo ti, wolu niŋ alibalaa kuuraŋo le mu, mennu taa mu ka faa hawusaroo* la, wolu niŋ hawusaroo le mu, mennu taa mu ka faa konkoo la, wolu niŋ konkoo le mu, mennu taa mu ka taa mutoo kono, wolu niŋ mutoo le mu.”

Yeremiya 18:11

Wo to saayiŋ, a fo Yerusalaamu saatee moolu ye, ka taa Yahuuda moolu bee ye ko: M be kuu jawoo le dadaa kaŋ ali kamma, aduŋ m be feeroo siti kaŋ ali kamma le. Ali yelema, moo-wo-moo ye bo a la kuu jawu kewo to, ali ye ali taaraŋ siloolu faliŋ, aniŋ ali kekuwolu.

Yeremiya 19:15

“Yaawe Alihawaa Maariyo, Banisirayila la Alla ye ñiŋ ne fo ko: A juubee, m be kasaara kuwolu naati la ñiŋ saatewo kaŋ ne, ŋa mennu fo a ma, aniŋ a dandanna saateeriŋolu. M be a ke la le, kaatu ì ye ì faŋolu kaŋo jandi le, ì maŋ soŋ n na kumoolu moyi la.”

Yeremiya 19:3

A fo Yahuuda mansoolu aniŋ Yerusalaamu moolu ye, ì ye i lamoyi nte Yaawe la kumoo la. Nte Yaawe Alihawaa Maariyo*, Banisirayila la Alla ye ñiŋ ne fo ko: A juubee, m be naa kuu jawu le naati la ñiŋ dulaa kaŋ, niŋ moo-wo-moo ye a moyi, a be teekumu la le.

Yeremiya 23:12

“Wo kamma la ì taaraŋ siloolu be ke la ì ye le komeŋ sila namayaariŋo diboo kono. M be ì ñori la wolu le kaŋ, ì ye boyi. M be kasaaroo le boyi la ì kaŋ, niŋ m be ì jarabi la waatoo meŋ na.” Yaawe le ye a fo.

Yeremiya 25:35

Kantarilaalu te kunkedulaa soto la, sako koorewo ñaatonkoolu si kanadulaa soto.

Yeremiya 35:17

Wo kamma la nte Yaawe Alihawaa Maariyo, Banisirayila la Alla ye ñiŋ ne fo ko: M be kasaara kuwolu bee naati la Yahuuda moolu niŋ Yerusalaamu moolu kaŋ ne, ŋa mennu fo ì ma. Bayiri n diyaamuta ì ye le, ì maŋ i lamoyi n na, n kumata ì ye, ì maŋ n danku.”

Yeremiya 36:31

M be a jarabi la le, a niŋ a koomalankoolu, ka taa a la dookuulaalu, ì la kuruŋyaa kamma la. M be kasaara kuwolu bee boyi la ì kaŋ ne, ŋa mennu fo ì ma, aniŋ moolu mennu be siiriŋ Yerusalaamu, ka taa Yahuuda moolu bee, kaatu ì maŋ soŋ i lamoyi la n na dandalaaroolu la.”

Yeremiya 6:19

Duniyaa bee ye i lamoyi! A juubee, nte be kuu jawu le laa la ñiŋ moolu kaŋ, meŋ be ke la ì la kuruŋyaa feeroolu joo ti, kaatu ì maŋ i moyi n na kumoolu la, aduŋ ì balanta n na karandiroolu la le.

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.

Esekiyeli 14:3

“Ite hadamadiŋo, ñiŋ moolu sondomoolu be looriŋ ì la jalaŋolu le kaŋ, ì ka mennu batu, meŋ ka a tinna ì ka tilimbaliyaa kuwolu ke. Wo to, fo ì ye a miira, niŋ ì ye n ñininkaa feŋ na, m be ì danku la le baŋ?

Esekiyeli 7:5

Maarii Yaawe ye ñiŋ ne fo ko: “Kooroo be kooroo kaŋ, wo le be naa.

Esekiyeli 8:18

Wo kamma la, m buloo be sii la ì ma le n na kamfaa baa kono, aduŋ n te balafaa la ì ye, sako n si ì tu jee. Hani niŋ ì wuurita ñaa-wo-ñaa ka n daani, n te ì danku la.”

Amosi 5:19

Luŋo ñiŋ be ke la ali ye le, komeŋ niŋ moo be bori kaŋ jatoo la, aniŋ daafeŋ saŋarariŋ* doo ye taa beŋ, waraŋ a ye duŋ a la buŋo kono, a ye a buloo suji bumbaloo la, saa ye a kiŋ.

Mika 3:4

Ali si naa kumboo Yaawe* ye, bari a te ali danku la wo waatoo. A si a ñaa kaasi ali la ali la ñiŋ kuu kuruŋ kewo kamma la.

Jakariya 7:13

“A keta teŋ ne: Biriŋ n diyaamuta ì ye, ì maŋ n danku, ì fanaa ye n kili, m maŋ ì danku.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Hiburunkoolu 1:3

Alla la kallankeeyaa* ka je a Dinkewo le kono, a ye Alla mankutoo soto le, aduŋ a ka alihawaa taamandi ka bo niŋ a la kuma sembemaa le la. A la hadamadiŋolu seneyandiri koolaa ì la junuboolu to, a ye a la siidulaa taa Alla Mansa Tallaa bulubaa karoo la, Arijana kono.