Yeremiya 10:9 - Mandinka Bible

⁹ Ì ka kodiforo tunkandiŋo le bondi naŋ Tarisi, ì ye sanoo bondi naŋ Ufasi. Bulukalaŋ dookuulaa le ye ì dookuu, sani tunkannaa la bululadookuwo. Ì ka duŋ feŋolu le duŋ ì la, bayi daa jawu kuloori ñiimaalu, wolu bee mu dookuunoolaalu la bululadookuwo le ti.

Yeremiya 10:9 Mawu Ofanana

1 Mansoolu 10:22

A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

2 Taarika 9:21

A ye safaari kuluŋolu le soto nuŋ baa to, Hiramu la moolu ka mennu dookundi. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

Jabuuroolu 115:4

Moolu ye mennu dadaa ì buloolu la sanoo niŋ kodiforoo, itolu ye wo le ke ì la Alla ti.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yesaya 23:6

Alitolu baadaa borindoo siilaalu, ali woosiitoo ye teyi ka taa Tarisi.

Yesaya 40:19

Numoo le ka jalaŋolu dadaa, aduŋ sani tunkannaa le ka a muuri niŋ sanoo la, a ye kodiforo kantotaa dadaa a ye.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 27:7

I basoolu mu fatari soofaani ñiimaalu le ti ì ye mennu bondi naŋ Misira bankoo kaŋ. Wolu le mu i ye bandeeroo ti. I ye kuyaŋo meŋ wanka i kunto santo, wo bota naŋ Elisa jooyoo le to, meŋ mu bayi ñiimaa baa ti. Ì mu buluuriŋo niŋ wuluyeloo le ti.

Daniyeli 10:5

Ŋa n kuŋo wuli ka juubeeroo ke, n taata kewo je, fatari koyoo be dundiŋ a la, aduŋ saniforoo le be minindiŋ a tewo la.

Hoseya 8:6

Ninsi jalaŋo ñiŋ bota Banisirayila le, moo buloo le ye a dadaa, a maŋ ke Alla ti. Samariya la ñiŋ ninsiriŋo be teyiŋ-teyiŋ na le, a ye janjaŋ.

Yunusa 1:3

Yunusa wulita, a maŋ taa, bari a borita Yaawe ma, a ye a kuŋo tiliŋ Tarisi saatewo to. A taata fo Yopa, daameŋ a ye kuluŋo tara jee, meŋ ka taa Tarisi. Kabiriŋ a ye paasoo joo, a bulata kuluŋo kono ka taa Tarisi, fo a si bori noo Yaawe ma.

Habakuki 2:19

Kooroo be ali ye, alitolu mennu ka a fo doko jaaroo ye ko, ‘Wuli,’ ali ka a fo bere jaaroo ye ko, ‘Loo.’ Wolu si muŋ ne yitandi noo ali la? Ì muuta sanoo la ñaa-wo-ñaa, aniŋ kodiforoo, hani wo bee maŋ ì ke niilamaa feŋ ti.”