Yeremiya 10:4 - Mandinka Bible

⁴ Ì si naa a baloo bee laa kodiforoo niŋ sanoo la, ì ye maritoo niŋ peruwolu taa ka a pempeŋ, fo a kana yokuyoku.

Yeremiya 10:4 Mawu Ofanana

Jabuuroolu 115:4

Moolu ye mennu dadaa ì buloolu la sanoo niŋ kodiforoo, itolu ye wo le ke ì la Alla ti.

Jabuuroolu 135:15

Duniyaa moolu ye mennu dadaa ì buloolu la sanoo niŋ kodiforoo la, ì ye wolu le ke ì la Alla ti.

Yesaya 44:12

Neefiŋ numoo ka nee kuntoo bula dimbaa kono le, a ye dookuwo ke a la, a ka jalaŋo tembendi niŋ maritoo la, aduŋ a ka a semboo le boyi ka a dadaa kuu. A ka konko le, fo a buka sembe soto. A buka jii miŋ fo a ka lafi ketu la.

Yesaya 46:6

“Doolu ka sanoo landatambi bondi ì la kufoolu kono le, ì ka kodiforoo juruma peesarilaŋo kaŋ. Ì ka tunkannaa le luwaasi, ka a tunkaŋ ì ye jalaŋo ti, ì ka sujudi a ye ka a batu.

Yesaya 46:7

Ì ka a landi ì dabakunkuŋolu le kaŋ, ì ye a samba a taradulaa to, a ye tara looriŋ jee, a te bo noo la a noo to. Ì si duwaa daani a yaa, bari a buka ì danku, a te ì bondi noo la ì la bataalu kono.

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Habakuki 2:19

Kooroo be ali ye, alitolu mennu ka a fo doko jaaroo ye ko, ‘Wuli,’ ali ka a fo bere jaaroo ye ko, ‘Loo.’ Wolu si muŋ ne yitandi noo ali la? Ì muuta sanoo la ñaa-wo-ñaa, aniŋ kodiforoo, hani wo bee maŋ ì ke niilamaa feŋ ti.”