Yeremiya 10:25 - Mandinka Bible

²⁵ I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

Yeremiya 10:25 Mawu Ofanana

Yuuba 18:21

Moo kuruŋolu la kuwo be laariŋ teŋ ne, moolu labaŋo ka ke teŋ ne, mennu maŋ Alla la kuwo muta.

Jabuuroolu 14:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Yaawe daani.

Jabuuroolu 147:20

A maŋ wo ke banku koteŋ ye, wolu maŋ a la luwaalu loŋ. Ali Yaawe jayi.

Jabuuroolu 27:2

Niŋ moo jawoolu boyita n kaŋ, ka i baluu n suboo la, itolu mennu mu n konnantewolu ti, aniŋ n jawoolu ì be taki la le, ì ye boyi.

Jabuuroolu 69:24

I la kamfaa jindi ì kaŋ, i ye ì ñankoŋ i la jusukandoo la.

Yesaya 43:22

“Hee Yaakuba, hani wo ali maŋ m batu. Hee Banisirayila, ali pasita n na kuwo la le.

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yesaya 9:12

Aramunkoolu mennu bota tilibo maafaŋo la, Filisitinkoolu mennu bota tilijii maafaŋo la, ì ye Banisirayila tiñaa le ka a kasaara. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yeremiya 11:1

Yaawe* la kumoo naata nte Yeremiya kaŋ ko:

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Yeremiya 8:16

Ŋà jawoolu la suwoolu nuŋ feekaŋo moyi naŋ Dani le, ì la suukewolu kumakaŋo le ka bankoo bee jarajarandi teŋ. Ì ka naa bankoo niŋ a konofeŋo bee le kunuŋ, Yerusalaamu saatewo, aniŋ mennu bee be a kono.”

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.

Sefaniya 1:6

Moo-wo-moo ye a koo dii nte Yaawe la, m be a kasaara la le, aniŋ mennu buka ì daa ke n na kuu to, sako ka n na yaamaroo ñini.”

Sefaniya 3:8

Wo kamma la, Yaawe ye ñiŋ ne fo, a ko: “Ali i lamoyi m ma, fo janniŋ luŋo meŋ m faŋo be wuli la ka ke bankoolu la kuwolu tuumilaa ti. M pareeta le ka bankoolu bendi ñoo kaŋ, ka mansamarali bankoolu kafu ñoo ma, ŋa n na jaraboo jiyo jindi naŋ ì kaŋ, n na kamfaa baa. Duniyaa bee ye kasaara, n na kamfaa dimbaa la.”

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Yohana 17:25

“M Faamaa Tilindiŋo, duniyaa maŋ i loŋ, bari nte ye i loŋ ne. Aduŋ ñiŋ moolu ye a loŋ ne ko, ite le ye n kii.

Kiilaalu 17:23

Kaatu biriŋ m be tambi kaŋ ali la saatewo kono, ŋa ali la batufeŋolu koroosi le. Ŋa sadaabodulaa* fanaa je le, meŋ ye ñiŋ kumakaŋolu soto a bala ko, ‘Alla ye, meŋ maŋ loŋ.’ Ali ka meŋ batu, hani ali maŋ a loŋ, nte be a la kuwo fo la ali ye le.

1 Korintinkoolu 15:34

Ali hakilintaŋyaa bula, aniŋ ali kana junuboo ke kotenke. Alitolu doolu maŋ feŋ loŋ Alla la kuwo to. Ŋa ñiŋ fo le, fo ali si malu.

1 Tesalonikankoolu 4:5

Ali maŋ ñaŋ na ali balajaatoo la hame kuu jawoolu nooma la ko jaahiloolu, mennu maŋ Alla loŋ.

2 Tesalonikankoolu 1:8

Ì be naa la dimbaa mala baa kataŋo kono ka moolu joo yankankatoo la, mennu maŋ Alla loŋ, aniŋ ì maŋ m̀ Maarii Yeesu la kibaari betoo muta.

Lankenemoo 16:1

Bituŋ ŋa sari baa moyi naŋ Alla Batudulaa Buŋo* kono, meŋ ko malaayika woorowuloo ye ko, “Ali taa, ali ye Alla la kamfaa baa booli woorowuloo boŋ duniyaa kaŋ.”