Yeremiya 10:22 - Mandinka Bible

²² I lamoyi baŋ, kibaaroo le ka naa! A fele, a naata le, maakaŋ baa ka bo naŋ maraa kara maafaŋ bankoo kaŋ. Wo bankoo be Yahuuda saatewolu tumbuŋ na le, ka a ke kunkuwuloolu la daakaa ti.

Yeremiya 10:22 Mawu Ofanana

Yesaya 34:13

Ŋaniŋolu le be faliŋ na a mansa buŋolu kaŋ, ñaamoolu ye tara falindiŋ tatoolu kaŋ. A be ke la kunkuwuloolu sabatidulaa le ti, a ye ke kiikiyaŋolu la dinkiraa ti.

Yeremiya 1:14

Wo le to Yaawe ko n ye ko, “Maasiiboo le be bo la naŋ maraa karoo la, a ye kupi ñiŋ bankoo moolu bee kaŋ.

Yeremiya 1:15

Kaatu saayiŋ, m be banku koteŋolu bee le kumandi la naŋ, ka bo maraa karoo la.” Yaawe le ye a fo. “Ì la mansoolu be ì la mansasiiraŋolu londi la Yerusalaamu saatewo dundaŋ daalu* le to. Ì be tata sansaŋolu boyinkaŋ na le, ka taa saatee koteŋolu mennu bee be Yahuuda kono.

Yeremiya 2:15

Ì jatamaalu bumbunta i kamma le, ì ye i ŋuura, ì ye i la bankoo kenseŋyandi, ì ye i la saatewolu tumbuŋ, moo maŋ tu sabatiriŋ ì kono.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 4:15

Kankulaari kaŋo moyi naŋ biriŋ Dani, kibaari jawoo ka bo Efurayimu* konkoriŋolu to.

Yeremiya 4:6

Ali bandeeroo wulindi taamanseeroo ti ka Siyoni* waliŋ, ali ye bori ka tanka, ali kana loo, kaatu n ka maasiiboo le naati ka bo maraa karoo la, kasaara baa le mu.”

Yeremiya 49:33

“Hasori be ke la kunkuwuloolu la daakaa le ti, ka kenseŋyaa fo fawu. Moo te sabati la jee, moo te sii la jee fereŋ.”

Yeremiya 5:15

Yaawe ko: “Alitolu Banisirayilankoolu, m be jamfajaŋ banku le naati la ka ali boyinkaŋ, banku sembemaa, banku meeriŋ, ali maŋ banku meŋ na kaŋo moyi, sako ali si ì la diyaamoo fahaamu noo.

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.

Yeremiya 6:22

Yaawe ye ñiŋ ne fo ko: “A juubee, kelediŋ kafoo le ka bo naŋ maraa kara bankoo kaŋ. Wo bankoo be maamaŋ kaŋ naŋ duniyaa dulaa jamfariŋ baalu le to.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Niikuyaa Suukuwolu 1:4

Daalaata Siyoni* ma, a la mbeedoolu bee be kumboo kaŋ, kaatu moo buka naa Alla batu juuraloolu to. A saatee dundaŋ daalu* kenseŋyaata, saatee alifaalu la bendulaa, a batudulaa ñaatonkoolu be woosii kaŋ. A sunkutoolu niŋ tooroo, ì be niikuyaa jawoo faŋo le kono.

Esekiyeli 12:19

I si a fo moolu ye mennu be sabatiriŋ Yerusalaamu niŋ Banisirayila bankoo bee kaŋ ko, nte Yaawe ì Maariyo ye ñiŋ ne fo ì la bankoo la kuwo to ko: Ì be domoroo niŋ miŋo ke la silaŋo niŋ dewuŋo le kono. Kaatu ì jawoolu le be naa kaŋ, ka ì la bankoo neemafeŋolu bee buusi ì la, ka jee kenseŋyandi, bayiri itolu faŋolu dammaalu ka ñoo tilimbaliyaa.

Malaki 1:3

Ŋa Esawu koŋ ne, ŋa a la konkotundoo* kenseŋyandi, ka a la keetaafeŋo ke kunkuwuloolu sabatidulaa ti.”