Yeremiya 10:15 - Mandinka Bible

¹⁵ Feŋ fuuriŋolu le mu, jelefeŋyaa feŋolu. Niŋ ì jarabi waatoo siita, ì be kasaara la wo le fee.

Yeremiya 10:15 Mawu Ofanana

Jabuuroolu 115:9

Alitolu Banisirayilankoolu, ali ali jikoo sembe Yaawe la. Ate le mu ali maakoyi baa ti, aniŋ ali la tankaraŋ koteeroo*.

Yesaya 41:24

Bari itolu maŋ ke feŋ na feŋ ne ti, aduŋ ì la dookuwolu maŋ nafaa-wo-nafaa soto, moo-wo-moo bulata ì nooma, ŋa wo maarii koŋ ne.

Yesaya 41:29

A juubee, tooñaa te ì bulu. Ì la baaroolu maŋ feŋ nafaa. Ì maŋ ke feŋ ti, fo foño kenseŋo.”

Yesaya 57:12

Saayiŋ m be i la baaroolu waañaari la le, i ye mennu miira ko kuu tilindiŋolu le mu. Hani kiliŋ te tara la ñinnu kono meŋ si i nafaa.

Yeremiya 10:11

Yaawe ko: “Yeremiya, a fo ì ye ko: Wo alloolu mennu maŋ saŋo niŋ bankoo daa, ì be kasaara la le ka bo bankoo kaŋ, aniŋ ka bo saŋ fatoo koto.”

Yeremiya 10:8

Ì bee mu hakilintaŋolu niŋ toolewolu le ti, wo jalaŋ fuuriŋolu la karandiroo, yiri kenseŋo!

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 43:12

A be dimbaa mala la Misira bankoo jalaŋ batudulaalu kono le. Nebukanesa si naa ì la jalaŋ doolu jani, a ye doolu taa ka ì samba ñoo la. A be Misira bankoo seneyandi la le, ko kantarilaa ka karankoolu seneyandi a la duŋ feŋolu bala ñaameŋ, aduŋ a be bo la jee le a ye taa kayira kono.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Yeremiya 51:18

Feŋ fuuriŋolu le mu, jelefeŋyaa dookuu feŋolu. Niŋ ì jarabi waatoo siita, ì be kasaara la wo le fee.

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Yunusa 2:8

Moolu mennu ka jalaŋ nafantaŋolu batu, wolu ye ì koo dii hiinoo la le, meŋ ñanta ke la ì taa ti.

Jakariya 13:2

Yaawe* Alihawaa Maariyo* ye ñiŋ ne fo ko, “Wo luŋo la, m be daŋ ke la jalaŋolu toolu la bankoo kaŋ ne, fo moo hakili kana bula ì la kotenke. Aduŋ m be faniyaa annabiyomoolu bondi la bankoo kaŋ ne, aniŋ noora jankubaloolu.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

5 Musa 32:21

Ali ka n kiiliyandi feŋ na, meŋ maŋ ke Alla ti, ali ka m kamfandi ali la jalaŋolu la. M fanaa be ali kiiliyandi la moolu le la, mennu te mooyaa daa to, m be toolee bankoo le taa la ka ali kamfandi ì la.

1 Samuweli 12:21

Ali kana bula jalaŋ fuuriŋolu nooma. Ì te feŋ ke noo la ali ye, sako ka ali tankandi, kaatu ì maŋ nafaa soto.

1 Samuweli 5:4

Bari wo saamoo soomandaa kabiriŋ ì wulita, ì ye a tara Dakoni be boyiriŋ a ñaadaa kaŋ bankoo to Alla la Kambeŋ Kunewo ñaatiliŋo la kotenke. A kuŋo niŋ a buloolu bee kunturiŋo be laariŋ bundaa kuŋo to, a baloo dammaa le tuta jee.