Yeremiya 10:10 - Mandinka Bible

¹⁰ Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 10:10 Mawu Ofanana

1 Musa 21:33

Bituŋ Iburayima ye yiroo tutu Beeriseba jee. A duwaata niŋ Yaawe, badaa-badaa Alla, too la jee.

1 Mansoolu 18:39

Kabiriŋ moolu ye ñiŋ je, ì sujudita ka a fo ko, “Yaawe Alla, Yaawe le mu Alla ti.”

1 Mansoolu 8:60

Wo kamma la duniyaa moolu bee si a loŋ ko, Yaawe le mu Alla ti, alla koteŋ te keriŋ.

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

2 Taarika 15:3

Waati jaŋ Banisirayila maŋ Alla tooñaa nooma. Ì maŋ piriisoolu* soto ka ì karandi, ì maŋ luwaa soto.

Yuuba 9:6

Ate le si a noo, a ye bankoo jarajarandi. Samasiŋolu mennu ye a muta, bee ye jiijaa.

Jabuuroolu 10:16

Yaawe le mu Mansoo ti fo fawu. Bantala banku* moolu be turutumbuŋ na a la bankoo kaŋ ne.

Jabuuroolu 100:3

Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

Jabuuroolu 100:5

Kaatu Yaawe beteyaata le, a la kanu bambaloo be tu la le fo abadaa, aduŋ a la tiliŋo be tara la keriŋ ne fo fawu.

Jabuuroolu 104:32

Niŋ a ye bankoo juubee, bankoo ka jarajara le. Niŋ a ye konkoolu maa, ì ka siisii le.

Jabuuroolu 114:7

Bankoo, jarajara Maariyo ñaatiliŋo la, Yaakuba la Alla.

Jabuuroolu 145:13

I la maraloo be tu la le fo abadaa, i la noo ye tu jamaanoolu bee la. Yaawe ka tu tilindiŋ a la laahidoolu kaŋ ne, a ka balafaa yitandi a la keroolu bee to.

Jabuuroolu 146:6

Ate le ye saŋo niŋ bankoo daa, aniŋ fankaasoo, ka taa feŋolu mennu bee be ì kono, aduŋ a ka tu tilindiŋ a la laahidoolu kaŋ ne fo abadaa.

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.

Jabuuroolu 29:10

Yaawe le be marariŋ baajii diinondiŋolu ma. A la mansayaa le be tu la fo abadaa.

Jabuuroolu 31:5

Ŋa n niyo karafa i ma. Yaawe, i ye m bondi le, ite meŋ mu Alla ti, tooñaatiyo.

Jabuuroolu 42:2

Ite Alla baluuriŋo, i la kuwo mindoomaa le ye m muta. Muŋ tuma le m be naa noo la ka loo i ñaatiliŋo la?

Jabuuroolu 68:11

Maariyo la yaamaroo kaŋ, musu jamaalu ye kibaaroo samba ko:

Jabuuroolu 68:8

bankoo jarajarata le, saŋ fatoolu ye samaajiyo jurumi, ite Sinayi Konkoo la Alla naatoo naŋ, ite Alla, Banisirayila la Alla ñaatiliŋo la.

Jabuuroolu 74:12

Hani wo, ite Alla le mu ǹ na Mansoo ti, kabiriŋ waati jaŋ koomanto. I ka kiisoo naati ǹ ye duniyaa kono le.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Jabuuroolu 76:8

I ye i la kiitindiroo taamandi le ka bo naŋ Arijana kono, duniyaa moolu bee le silata fo deyoo keta yem,

Jabuuroolu 77:18

I la saŋ feteŋo birimintinta naŋ, i la saŋ ŋalasoolu ye duniyaa fanundi. Bankoo jarajarata ka jiijaa.

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Jabuuroolu 9:8

Ate Alla le ka duniyaa moolu kiitindi niŋ tiliŋo la, a ka moolu kiitindi niŋ tooñaa le la.

Jabuuroolu 90:11

Jumaa le ye i la kamfaa la waroo daŋo loŋ? I la kamfaa warata baake le, jumaa le si a loŋ noo? I ñaasilaŋo ñanta wara la ǹ kaŋ wo le ñaama.

Jabuuroolu 90:2

Janniŋ i ka konkoolu fintindi, waraŋ ka bankoo daa, aniŋ ka duniyaa sotondi, ite mu Alla le ti kabiriŋ, aduŋ i be ke la Alla le ti fo abadaa.

Jabuuroolu 93:2

Yaawe, i la mansasiiraŋo be looriŋ ne kabiriŋ. I be keriŋ ne, i maŋ foloodulaa soto.

Jabuuroolu 97:4

A la saŋ ŋalasoo ka duniyaa fanundi, duniyaa ka a je, a ye jarajara.

Yesaya 37:17

Yaawe Alihawaa Maariyo, i lamoyi, kumakaŋolu moyi, Sennakeribu ye mennu kii naŋ ka ite Alla baluuriŋo sooki.

Yesaya 37:4

Asiriya mansa ye a la kelediŋ kuntiyo kii le ka Alla baluuriŋo sooki. A si ke noo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Yesaya 40:15

Tooñaa-tooñaa, bankoolu ka muluŋ a ñaa koto le ko jii tondoo, meŋ be keraŋo kono, ì ka muluŋ ne ko, niŋ i ye kankaŋo ke peesarilaŋo kaŋ. A ka baajooyoolu peesa le, ì ka feeyaa a fee ko banku kesoo.

Yesaya 40:28

Fo ali maŋ a loŋ? Ali maŋ a moyi? Yaawe le mu badaa-badaa Alla ti, meŋ ye duniyaa tonkoŋ naanoo bee daa. A buka bataa sako a si lamfu, aduŋ moo le te a la fahaamuroo daŋo loŋ noo la.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 65:16

Moo-wo-moo be neemoo daani la bankoo kaŋ, a be a daani la Alla tooñaa le bulu. Moo-wo-moo kalita bankoo kaŋ, a be kali la Alla tooñaa le too la. Kaatu ñinoo be ke la bataalu la le mennu tambita, ì ye bo n ñaa koto.”

Yeremiya 23:36

Bari ì kana ñiŋ fo kotenke ko, Yaawe la dunoo itolu ye, kaatu dunoo keta moo bee daakumoo le ti. Ì ka Alla baluuriŋo la kumoo le yelemandi, Yaawe Alihawaa Maariyo, ì la Alla.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

Yeremiya 4:24

Ŋa konko baalu juubee le, ŋa a je ì be jarajara kaŋ, konkoolu bee be jiijaa kaŋ.

Yeremiya 50:46

Ì muta tumoo maakaŋo be bankoo jarajarandi la le, ì wuurikaŋo ye moyi hani banku koteŋolu kaŋ.”

Yeremiya 51:29

Babiloni bankoo be jarajara kaŋ, dimiŋ kuwolu ye a kirikirindi, kaatu Yaawe la natoolu mu kuu looriŋo le ti a kamma, ka a bankoo kenseŋyandi, moo te tara la siiriŋ jee.

Daniyeli 4:3

Alla la taamanseeroolu warata le, a la kaawakuwolu ka a la sembe baa le yitandi. A la mansabaayaa be tu la le fo abadaa, aduŋ a la noo le be tu la jamaanoolu bee la.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

Mika 1:4

Konkoolu si yeluŋ a koto, ko niŋ i ye kaañoo laa dimbaa to, aniŋ ko jiyo ka bori jindaa la ñaameŋ, ka wulumbaŋolu fara.

Nahumu 1:5

Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

Habakuki 3:6

A loota, a ye duniyaa jarajarandi, a ye a ñaa tiliŋ bankoolu la, ì jarajarata. Konko baalu, ì meeta looriŋ ñaa-wo-ñaa, ì katiŋ-katinta ñoo kono, konkoriŋ kotoolu jiita duuma, a la siloolu le mu kabiriŋ.

Malaki 3:2

Bari jumaa le si a ñaa tiliŋ noo ñiŋ luŋo la naa la? Jumaa le be loo noo la a ñaatiliŋo la niŋ a naata? Kaatu a be muluŋ na le ko tunkaŋ dimbaa, waraŋ kuurilaŋ saafunoo.

Matiyu 16:16

Bituŋ Simoni Pita ye a jaabi, “Ite le mu Alimasiihu* ti, Alla baluuriŋo Dinkewo.”

Matiyu 26:63

Bari Yeesu tuta deyiriŋ. Bituŋ piriisi kuntii baa ko a ye ko, “Ŋa i kalindi Alla baluuriŋo too le la, a fo n ye, fo ite le mu Alimasiihu* ti baŋ, Alla Dinkewo*.”

Yohana 17:3

Aduŋ ñiŋ ne mu badaa-badaa baluwo ti ko, ì si ite loŋ, ite meŋ dammaa mu Alla tooñaa ti, aniŋ ì si Yeesu Kiristu* loŋ, i ye meŋ kii.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

5 Musa 5:26

Hadamadiŋ jumaa le nene sotota, Alla baluuriŋo diyaamuta meŋ ye dimbaa maloo kono, a maarii ye tu a niyo la ko ntolu?

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

1 Timoti 1:17

Jayiroo be badaa-badaa Mansoo le ye, meŋ buka faa, aduŋ moo buka a je. Horomoo niŋ jayiroo be ate Alla kiliŋo le ye fo abadaa. Amiin.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Hiburunkoolu 10:31

Ka duŋ Alla baluuriŋo buloo kono, wo mu silaŋ kuu baa le ti.

Yosuwa 3:10

Ali be a loŋ na ñiŋ ne la ko, Alla baluuriŋo be ali fee le. A be ñiŋ moolu mennu mu Kanaaninkoolu ti, Hitinkoolu, Hiwinkoolu, Perisi koomalankoolu, Kirikasinkoolu, Amorinkoolu, aniŋ Yebusinkoolu bee bayi la ali ñaato le.

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Kiitindirilaalu 5:4

Hee Yaawe, kabiriŋ i bota naŋ Seyiri konkoolu to, kabiriŋ i naata ka bo Edomu bankoo kaŋ, bankoo jarajarata. Jiyo jurumita ka bo saŋo santo, minaayoolu ye jiyo juruma duuma.

1 Samuweli 17:26

Dawuda ye kewolu ñininkaa, mennu be a daala. A ko, “Muŋ ne be ke la keendiŋo ye, meŋ ye ñiŋ Filisitinkoo faa, a ye Banisirayila bondi maloo kono? Jumaa le mu ñiŋ Filisitinka sunnabaloo ti, fo a ka Alla baluuriŋo la kelediŋolu hadaañi?”

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.