Yeremiya 1:9 - Mandinka Bible

⁹ Bituŋ Yaawe ye a buloo tiliŋ, a ye n daa maa. A ko n ye ko, “A juubee, ŋa n na kumoo duŋ i daa le.

Yeremiya 1:9 Mawu Ofanana

Yesaya 49:2

A ye n daa ke le ko hawusari* daa diyaariŋo. A ka a buloo le biti n kaŋ ka n tanka. A ye n ke le ko beñe melundiŋo, a ye m maabo a bularaŋo kono.

Yesaya 50:4

Maarii Yaawe le ye n karandi m fokumoo la, fo n si moo bataariŋolu bambandi. Soomandaa-wo-soomandaa a ka n hamendi le, ka n lamoyi a be n karandi la meŋ na.

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Yesaya 59:21

A ko: “Nte wo de, n niŋ ì be ñiŋ kambeŋo le siti la. Ite n na annabiyomoo, ŋa n na Nooroo meŋ dii i la, aniŋ ŋa n na kumakaŋo meŋ duŋ i daa, be tara la i fee le, aduŋ a be tara la i diŋolu fee le aniŋ i koomalankoolu ka bo saayiŋ na fo abadaa. Nte Yaawe le ye a fo.”

Yeremiya 15:19

Wo le to Yaawe ye ñiŋ fo ko: “Niŋ i tuubiseyita, m be i seyindi la i ñaama le, aduŋ i be dookuwo ke la n ye le. Niŋ i ka kuma kesoo le fo, a maŋ ke kuma kenseŋo ti, i be ke la n na diyaamulaa le ti. Moolu le be muru la ite kaŋ, bari ite te muru la itolu kaŋ.

Yeremiya 34:6

Bituŋ nte Yeremiya naata ñiŋ kumoolu bee fo Yahuuda mansakewo Sedekiya ye, Yerusalaamu kono.

Yeremiya 36:2

“Yeremiya, kitaabu moromororiŋo* taa, i ye kumoolu bee safee a kono, ŋa mennu fo Banisirayila niŋ Yahuuda ma, aniŋ duniyaa banku koteŋolu bee. A dati niŋ kumoolu la ŋa mennu foloo fo i ye koomanto, Yosiya la mansayaa waatoo kono, ka naa fo bii.

Yeremiya 5:14

Wo kamma la Yaawe Alihawaa Maariyo* ye ñiŋ ne fo ko: “Bayiri ì ka ñiŋ kumoo le fo, wo to m be n na kumoo ke la ite Yeremiya daa kono dimbaa le ti, ñiŋ moolu ye ke loo ti, a dimbaa ye ì domo.”

Esekiyeli 3:10

A ko n ye ko, “Hadamadiŋo, i hakiloo tu ñiŋ kumoolu to n ka mennu bee fo i ye, i si i lamoyi kendeke.

Daniyeli 10:10

Bituŋ moo buloo ye m muta, a ye n wulindi, aduŋ a ye n tu jimiriŋ, m buloo niŋ n kumbaliŋo be looriŋ bankoo to, m be jarajara la.

Daniyeli 10:16

Ŋa a je wo meŋ muluŋo be ko hadamadiŋo ye n daa maa a buloo la, aduŋ ŋa n daa yele, n diyaamuta moo ñiŋ ye, meŋ be looriŋ n ñaatiliŋo la, n ko a ye ko, “Hee m maarii, ñiŋ kuwo jewo ye n ke le ko niŋ mantoora baa laata moo kaŋ, fo n semboo bee banta fereŋ.

4 Musa 23:5

Yaawe ye kumakaŋo duŋ Balaamu daa, a ñanta meŋ fo la. A naata a kii Balaki kaŋ ka a la kiilaariyaa kumoo futandi a ma.

Matiyu 10:19

Niŋ ì ye ali muta, ali kana dewuŋ, ali be meŋ fo la waraŋ ali be a fo la ñaameŋ, kaatu niŋ wo waatoo siita, kumoo be dii la ali la le, ali ñanta meŋ fo la.

Maaka 7:33

Yeesu ye a samba kara la ka bo kafoo kono. A ye a bulukondiŋolu bula a tuloolu kono. A ye daajiyo tupi, aniŋ a ye a neŋo maa.

Luka 12:12

Kaatu Noora Kuliŋo be a yitandi la ali la le wo waatoo kono, ali ñanta meŋ fo la.”

Luka 21:15

Kaatu m be kumoolu niŋ ñaameŋo dii la ali la le, fo hani ali jawu kiliŋ te balaŋ noo la ali ma, waraŋ ka ali soosoo.

5 Musa 18:16

Kaatu ali ye wo le daani Yaawe bulu ali la Alla, luŋo meŋ na ali benta Sinayi Konkoo to, biriŋ ali kumata ko, “Niŋ ŋà Yaawe diyaamukaŋo moyi kotenke waraŋ ka ñiŋ dimbaa baa je kotenke, m̀ be faa la le.”

5 Musa 18:17

Wo to le Yaawe naata a fo n ye ko, “Ì la ñiŋ kumoolu mu tooñaa le ti.

5 Musa 18:18

M be annabiyomoo wulindi la ì kono le, meŋ mu ì fansuŋ moo ti ko ite. M be n na kumakaŋolu duŋ na a daa le, aduŋ ŋa a yaamari meŋ na, a be a bee sindi la moolu ma le.