Yankuba 3:9 - Mandinka Bible

⁹ Ǹ ka Maariyo m̀ Faamaa jayi niŋ neŋo le la, aduŋ moolu mennu daata Alla sawuroo la, ǹ ka wolu danka niŋ ate wo neŋ kiliŋo le la.

Yankuba 3:9 Mawu Ofanana

1 Musa 5:1

Ñiŋ ne mu Adama koomalankoolu la yirikoo saataroo ti. Kabiriŋ Alla ye moo daa, a ye ì daa a faŋo muluŋo le la.

1 Musa 9:6

Niŋ moo-wo-moo ye a ñoŋ hadamadiŋo yeloo boŋ, wo maarii fanaa yeloo ñanta boŋ na le, kaatu nte Alla ye hadamadiŋo daa m faŋo sawuroo le la.

2 Samuweli 16:5

Biriŋ Mansa Dawuda sutiyaata Bahurimu la, kewo doo meŋ bota naŋ Sawulu la kaabiiloo moolu kono fintita naŋ ka bo jee. A too mu Simeyi le ti, aduŋ Kera le dinkewo mu. A ye dankaroo le ke, kabiriŋ a be finti kaŋ naŋ.

2 Samuweli 19:21

Wo to le Abisayi Seruya dinkewo kumata ko, “Fo Simeyi maŋ ñaŋ na faa la ñiŋ kuwo kamma la? A ye Yaawe la tomboŋ moo le danka.”

1 Taarika 29:10

Wo kamma la Dawuda ye Yaawe jayi jamaa bee ñaatiliŋo la, a ko: “Yaawe, m̀ mumu Isirayila la Alla, jayiroo be i ye fo abadaa.

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

Jabuuroolu 108:1

Hee Alla, n sondomoo ye i la kuwo muta le, a bambanta. M be suukuwo laa la le ka i jayi, m be a ke la niŋ n niyo bee le la.

Jabuuroolu 145:1

Alla, n na Mansa, m be i la waroo suukuu la le, ŋa i tentu i too la fo abadaa.

Jabuuroolu 145:21

Wo to, nte be tu la Yaawe jayi la le. A la daafeŋolu bee, ali a tentu a too senuŋo la fo abadaa.

Jabuuroolu 16:9

Wo kamma la n ka jusulaa le, n niyo ka seewoo. M baloo fanaa be tara la tankoo le kono.

Jabuuroolu 30:12

Wo to m be i tentu la niŋ suukuwo la le, aduŋ n te n deyi la. Hee Yaawe, n na Alla, m be i jayi la le fo abadaa.

Jabuuroolu 34:1

M be tu la Yaawe* jayi la le doroŋ, n te n dahaa la a tentoo la.

Jabuuroolu 35:28

Wo to le m be i la tiliŋo kankulaa la, ka i jayi luŋ-wo-luŋ.

Jabuuroolu 51:14

Hee Alla, n na kiisandirilaa, yamfa n na moofaa la, m be i la tiliŋo suukuu la le.

Jabuuroolu 57:8

M be m faŋ kuniŋ na le, ŋa n na kontiŋo niŋ kooraa sika ka bo laariŋ. M be fanoo la kewo kontoŋ na niŋ suukuwo le la.

Jabuuroolu 59:12

Junube kumoolu le ka tara ì daalu kono. Ì daakumoolu mu junuboo le ti. Allamaa ì la faŋ waroo ye ke ì ye kutindiŋo ti, a ye ì muta. Ì la dankaroolu niŋ ì la faniyaalu kamma la,

Jabuuroolu 62:4

Ì be pareeriŋ ne doroŋ ka a bondi a la dulaa buuñaariŋ baa to. Faniyaa le ka ì kontaani. Ì ka kuu kendoo duwaa ì daa le la, bari ì ka dankaroo ke ì sondomoo kono. S

Jabuuroolu 63:4

M be i tentu la le, niŋ m be baluwo to. M be m buloolu wulindi la i ye le ka duwaa.

Jabuuroolu 71:24

I ye tiliŋo meŋ yitandi n na, m be tu la a seyinkaŋ na le, kaatu i ye moolu bulandi maloo niŋ jutunnayaa kono le, mennu ye a kata ka m mantoora.

Kawandilaa 7:22

Bari ñiŋ si tara i fanaa kono ko, i nene ka moo neŋ ne, siiñaa jamaa.

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

Matiyu 26:74

Wo to le a ye i kali kali jawu baa la, a ko, “Nte maŋ ñiŋ kewo loŋ faŋ!” Wo loo niŋ baroo teema, duntuŋo kookoleeta!

Matiyu 5:44

Bari saayiŋ m be a fo la ali ye, ali ali jawoolu kanu, aduŋ ali si duwaa moolu ye, mennu ka ali toorandi.

Kiilaalu 2:26

Wo kamma la n jusulaata le, n neŋo ye a tentu. M baloo fanaa be tara la jikoo le kono.

Roomankoolu 3:14

ì daa kono ka tara faariŋ dankaroo le la, aniŋ kuma jawoo.”

1 Korintinkoolu 11:7

Kewo maŋ ñaŋ na a kuŋo muuri la, baawo ate daata Alla sawuroo le la aniŋ ka horomoo dii a la. Bari musoo le mu kewo la horomoo ti.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.

Yankuba 3:10

Jayiroo niŋ dankaroo ka bo daa kiliŋo kono! M baadiŋolu, wo maŋ ñaŋ na ke la muumeeke.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.

Kiitindirilaalu 9:27

Ì taata ì la kunkoolu to, ì ye yiridiŋolu kati ka bo ì la wayini kankaŋolu kono, ì ye ì dori. Bituŋ ì naata feetoo ke. Ì taata ì la jalaŋ batudulaa to ka domoroo ke aniŋ ka miŋ feŋolu miŋo. Bituŋ ì ye Abimeleki danka.