Yankuba 3:5 - Mandinka Bible

⁵ Neŋo la kuwo fanaa be wo le ñaama. Ate le dooyaata balasuufoolu bee ti, bari ate le ka kibiri kuu baalu la. Sutoo si wara ñaa-wo-ñaa, a janoo ka dati niŋ dimbaariŋ ne la.

Yankuba 3:5 Mawu Ofanana

Yuuba 22:17

Ì ka a fo Alla ye ko, “Ntolu bula m̀ faŋ bulu! Alla Tallaa si muŋ ne ke noo ntolu la?”

Jabuuroolu 10:3

Moo kuruŋo ka kibiri a lafinna kuwolu kaŋ ne. A ka a ñoŋ moo hadumeriŋo jayi le, a ka Yaawe sooki.

Jabuuroolu 17:10

Balafaa te ì sondomoo kono. Ì ka faŋ wara kumoolu le fo ì daalu la.

Jabuuroolu 39:1

N ko m faŋ ye ko, “M be n hakilitu la n kekuwolu to le, ŋa n neŋo muta, a kana n duŋ junube kuwo to. M be n daa mara la niŋ karafewo le la, niŋ moo kuruŋolu be n daala.”

2 Musa 15:9

“I jawoolu ye daa wara kumoolu fo ko, ‘M̀ be ì bayindi la, aduŋ m̀ be ì tarandi la le. M̀ be ì la naafuloo talaa la le, meŋ diyaata ǹ ye, m̀ be wo le taa la. M̀ be ǹ na hawusaroo* saba la, m̀ be ì bee kasaara la le.’

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Kuma Kotoomaalu 12:18

Ka kuma fo i maŋ i miira, ka munta le ko niŋ hawusaroo* ye moo soo, bari moo ñaamendiŋo daakumoo si moo jaara noo le.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Kuma Kotoomaalu 26:20

Niŋ loo maŋ soto, dimbaa ka faa le, niŋ koomakumaroo maŋ ke, sonkoo ka baŋ ne.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Daniyeli 3:15

Bari saayiŋ, niŋ ali ye ñiŋ kumafeŋolu moyi: binoo, footaŋo, suusaa, kontiŋo, kooraa, tantaŋo, aniŋ kumafeŋ siifaalu bee, aduŋ wo loodulaa to, ali sujudita ka moo muluŋo batu, ŋa meŋ dadaa, tana te ali la. Bari niŋ ali maŋ baturoo ke, ì be ali fayi la fuuri dimbaa wuleŋo kono le, wo loodulaa to. Fo Alla le be keriŋ, meŋ si ali bondi noo nte bulu baŋ?”

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Yankuba 3:4

Ali kuluŋ baalu fanaa la kuwo juubee! Ì warata baake le, aduŋ foño baa ka ì borindi. Bari wo ñaa-wo-ñaa, baaroo le ka a mara, meŋ dooyaata baake, aduŋ kuluŋo ka taa, a borindilaa lafita a la daameŋ.

2 Pita 2:18

Ì ka kuma kenseŋolu le fo niŋ ì la kibiri kuma baalu la. Ì ka ñiŋ moolu muta ka bo niŋ balajaatoo la hame kuu jawoolu le la, mennu be kana kaŋ wo neeneerilaalu la sila filiriŋo ma saayiŋ.

Yuuda 1:16

Ñiŋ moolu mu ŋunuŋunulaalu le ti, mennu ka tu doolu tuumi la. Ì ka ì fansuŋ niidiyaa kuwolu le nooma. Ì buka i dahaa kibiroo la ì faŋolu la kuwo to, aduŋ niŋ ì ye moo doolu jayi, ì ka a ke ì faŋolu la nafaa le kamma.