Yankuba 1:7 - Mandinka Bible

⁷ Moo meŋ ka sika wo ñaama, a kana a miira ko, a be feŋ soto la Maariyo bulu le.

Yankuba 1:7 Mawu Ofanana

Kuma Kotoomaalu 15:8

Moo jawoo la sadaa* mu Yaawe tanoo le ti, bari a ka seewoo le, ka moo tilindiŋo la duwaa muta.

Kuma Kotoomaalu 21:27

Moo kuruŋo la beeyaŋ sadaa* konta le, sako niŋ a maŋ a bondi niŋ ŋaniya senuŋo la.

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Yankuba 1:6

Bari a ñanta daaniroo ke la lannoo le kono. A kana sika feŋ-wo-feŋ na, kaatu moo meŋ ka sika, wo maarii be le ko jiibaliŋo, foñoo ka meŋ ñori ka a fayi jaŋ waraŋ jana.

Yankuba 1:8

Wo maarii mu hakilifulatiyo le ti, a maŋ bambaŋ a la sila-wo-sila kaŋ.

Yankuba 4:3

Ali ka daaniroo ke, bari ali buka a soto, kaatu ali la daaniroo maŋ tiliŋ, ali ka a ke ali la niidiyaa kuwolu le kamma.