Suukuwo 5:3 - Mandinka Bible

³ Ŋa n wura le fokabaŋ, m maŋ paree ka n na feŋolu duŋ kotenke. Ŋa n siŋolu kuu le fokabaŋ, m maŋ paree ka ì nondi kotenke.

Suukuwo 5:3 Mawu Ofanana

1 Musa 19:2

a ko, “M maariyolu, dukaree nte mu ali la dookuulaa le ti. Ali naa n na buŋo kono, ali ye ali siŋolu kuu, aniŋ ali si suutoo laa jaŋ. Saama soomandaa ali si tenteŋ ali la siloo la.” Bari ì ko a ye le ko, “Hanii, m̀ be suutoo laa la saatewo bantabaa le to.”

Kuma Kotoomaalu 13:4

Katakolentewo si hame ñaa-wo-ñaa, a buka feŋ soto noo, bari moo soobewo ka feŋ-wo-feŋ ñini, a ka sooneeyaa a ye le.

Kuma Kotoomaalu 22:13

Katakolentewo ka a fo le ko, “Jatoo le be banta! A be m faa la mbeedoolu kono le.”

Kuma Kotoomaalu 3:28

Niŋ feŋ be i bulu wo loo to, kana a fo i siiñoo ye ko, “Taa fo ñaato, saama m be a dii la i la le.”

Matiyu 25:5

Baawo wo maañootiyo tarideeta le, ì bee jinkoota. Bituŋ ì ye a dati ka siinoo.

Luka 11:7

Bituŋ a teerimaa si a jaabi konoto ko, ‘Kana m batandi! Bundaa soronta le, n niŋ n na dindiŋolu be laariŋ ne. N te wuli noo la ka feŋ dii i la!’