Suukuwo 4:8 - Mandinka Bible

⁸ N na maañoo, bo naŋ Libanooni, i ye naa n kaŋ. Bo naŋ Libanooni konkoolu to, i ye naa n kaŋ. Jii naŋ Amana Konkoo turoo to, jii naŋ Seniri niŋ Herimoni* Konkoolu to. Bo jatoolu la koloolu to, bo naŋ ñunkoolu to, soloolu be daameŋ.

Suukuwo 4:8 Mawu Ofanana

1 Mansoolu 4:33

A ye bankoo faliŋ feŋolu la kuwo diyaamu le nuŋ, ka bo sedari* yiroo la meŋ be Libanooni ka taa fo siisiliŋñaamoo meŋ ka faliŋ tata sansaŋo faroo kono. A ye daafeŋolu la kuwo fo le, kunoolu, kuruntu feŋolu, aniŋ ñewolu.

2 Mansoolu 5:12

Fo Faripari niŋ Abana boloŋolu mennu be Damasiku, wolu le maŋ fisiyaa Banisirayila boloŋolu bee ti baŋ? Fo niŋ ŋa n kuu wolu kono m baloo te kendeyaa la baŋ?” A ye a koo dii, a kamfaariŋ baa taata.

1 Taarika 5:23

Manase lasili talanteemoo moolu siyaata le, ì siita bankoo kaŋ, ka bo Basani tundoo kaŋ, ka taa fo Baali-Herimoni, Seniri aniŋ Herimoni* Konkoo to.

Jabuuroolu 45:10

Muna dimmusuriŋ, i tuloo loo, i ye i lamoyi n na. I hakiloo bo i la moolu kaŋ, aniŋ i faa suwo.

Jabuuroolu 72:16

Allamaa siimaŋ kesoo ye fuuma bankoo kaŋ, ka taa fo konkoolu turoolu kaŋ. Ì ye diŋ komeŋ Libanooni yiroolu. Allamaa moolu mennu be saatewo kono ye yiriwaa ko ñaamoo ka siyaa kenoolu kono ñaameŋ.

Jabuuroolu 76:1

Yahuuda moolu ye Alla loŋ ne, a too warata Banisirayila kono le famfaŋ.

Jabuuroolu 76:4

Hee Alla, ite kallankeeyaata* le, i warata ka tambi konko baalu la, mennu be tu la looriŋ fo abadaa.

Jabuuroolu 89:12

Ite le ye feŋo bee daa ka bo duniyaa tonkoŋ ka taa tonkoŋ. Jayiroo ka bo i ye Tabori niŋ Herimoni* konkoolu to le, a bee niŋ seewoo.

Kuma Kotoomaalu 9:6

Ali sooneeyaa baa tu jee, fo ali si baluu. Ali bula fahaamuroo la siloo nooma.

Suukuwo 2:13

Sooto diŋolu be moo kaŋ, wayini yiroolu be firi kaŋ, ì firoolu be seera kaŋ. Wuli, n kanuntewo, n na musu ñiimaa, naa ŋà taa.” Kewo ko:

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Suukuwo 7:11

N jusukuŋo naa, ŋà finti, ŋà taa kene koomoo to, ŋà suutoo laa fudani firoolu kono.

Yesaya 62:5

I diŋolu be i topatoo la seewoo le kono, ko fondinkewo ka a la maañoo topatoo ñaameŋ. Alla be seewoo soto la i la karoo la le, ko maañootiyo ka kontaani a la maañoo la kuwo la ñaameŋ.

Esekiyeli 27:5

Ì ye i babaroolu dadaa niŋ junipa yiroo le la meŋ bota Seniri. Ì ye sedari* yiroolu le bondi naŋ Libanooni ka i basa looraŋ dokoo dadaa a la.

Yohana 12:26

Niŋ moo meŋ ka dookuwo ke n ye, a ñanta nte nooma la le, aduŋ m be daameŋ, n na dookuulaa fanaa be tara la jee le to. Moo meŋ ka dookuwo ke n ye, m Faamaa be wo maarii horomandi la le.

5 Musa 3:25

Yaawe, yamfa n ye, fo n si wo banku betoo je, meŋ be Yoridani Boloŋo kara doo la, ñiŋ konkotundi ñiimaa aniŋ Libanooni konkoolu.”

5 Musa 3:9

Sidoninkoolu ka a fo Herimoni ye le Siriyoni, Amorinkoolu ka a fo a ye Seniri.

Yosuwa 12:1

Ñinnu le mu bankoo mansoolu ti, Banisirayilankoolu ye mennu noo keloo la. Ì ye ì la tundoo taa Yoridani tilibo kara maafaŋo la, ka bo Arinoni Wulumbaŋo to ka taa Herimoni* Konkoo to, aniŋ Araba* tundoo tilibo kara maafaŋolu bee daa bulariŋo jee: