Suukuwo 4:3 - Mandinka Bible

³ I daaturoo la wulewo ñiiñaata ñaameŋ, i daa be kekuuriŋ. I kenteŋo ka muluŋ ne ko roomaani* yiridiŋ talantewo i la kuŋ bitiraŋo koto.

Suukuwo 4:3 Mawu Ofanana

1 Musa 32:10

Nte maŋ jari, i ye kanu bambaloo niŋ tiliŋo meŋ yitandi n na, i la dookuulaa. N niŋ n na taamaraŋ dokoo doroŋ ne ye ñiŋ Yoridani Boloŋo teyi, bari saayiŋ a fele, n keta kafu fula ti.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Jabuuroolu 119:13

M be i la luwaalu bee kiliŋ-kiliŋ seyinkaŋ na le, i ye mennu dii i la moolu la.

Jabuuroolu 37:30

Moo tilindiŋo daakumoo mu ñaameŋo le ti, aduŋ a ka meŋ fo a neŋo la, wo mu tiliŋo doroŋ ne ti.

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Kuma Kotoomaalu 10:13

Ñaameŋ kumoo ka bo moo le daa kono, meŋ ye kalamutaroo ke, bari hakilintaŋo wo taa mu busoo le ti.

Kuma Kotoomaalu 31:26

A ka ñaameŋ kumoolu le fo, aduŋ a ka moolu yaamari kuma kendoo le la.

Suukuwo 1:5

Alitolu Yerusalaamu dimmusuriŋolu! M balafatoo finta le, bari n ñiiñaata, m be findiŋ ne ko Kedari tiriliisoo*, m be ñiiñaariŋ ko Sulemani la ridoo.

Suukuwo 4:11

N na maañoo, i daaturoo be le ko liyo, i neŋo be timiyaariŋ ko liyo niŋ keekewo, i la sitifeŋolu ka seera ko Libanooni yiroolu.

Suukuwo 5:13

A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.

Suukuwo 5:16

A daakumoo diyaata, a la kuwo bee le ye n ñaabo. Yerusalaamu dimmusuriŋolu, n jusukuŋo be teŋ ne, ate le mu n teerimaa ti.

Suukuwo 6:7

I kenteŋo ka muluŋ ne ko roomaani* yiridiŋ talantewo i la kuŋ bitiraŋo koto.

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

3 Musa 14:4

wo to le piriisoo si naa yaamaroo dii ka kunu baluuriŋ fula naati mennu seneyaata, ka taa sedari* dokoo, boorajulu wuleŋo aniŋ siisiliŋñaama buloo.

3 Musa 14:6

Bari kunu baluuriŋ doo, a si wo taa, aniŋ sedari dokoo, boorajulu wuleŋo, aniŋ siisiliŋñaama buloo, a ye ì bula kunoo yeloo kono, meŋ kanateyita jii kendoo kunto.

4 Musa 19:6

Bituŋ piriisoo si sedari* lookuntoo taa, siisiliŋñaama buloo, aniŋ boorajulu wuleŋo, a ye ì fayi ninsoo ñiŋ kaŋ dimbaa kono.

4 Musa 4:8

Ì ye bayi wuleŋo fanaa muuri wo kaŋ santo, ì ye naa kulu ñiimaa laa wo kaŋ. Niŋ ì ye wo ke, ì ye naa taabulu sambaraŋ dokoolu ke ì dulaalu to.

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Luka 4:22

Ì kaawata hiinakumoolu la, a ye mennu fo, ì bee ye a jayi. Ì ko, “Fo ñiŋ maŋ ke Yusufa dinkewo le ti baŋ?”

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

Kolosankoolu 4:6

Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.

Hiburunkoolu 9:19

Biriŋ Musa ye Luwaa la yaamaroolu bee bankee moolu bee ye, a ye ninsiriŋolu yeloo niŋ baakotoŋolu le yeloo taa, a ye ì niŋ jiyo ñaami. Bituŋ a ye a sariŋ-sariŋ Luwaa Kitaaboo* kaŋ, aniŋ moolu bee, ka bo niŋ siisiliŋñaama buloo la, boorajulu wuleŋo tarata meŋ bala.

Yosuwa 2:18

Niŋ ǹ dunta ñiŋ bankoo kaŋ, i si ñiŋ julu wuleŋo siti palanteeroo bala, i ye m̀ fintindi niŋ daameŋ na, aniŋ i si i baa niŋ i faa, i baarinkewolu, aniŋ i la moolu bee samba naŋ i la buŋo kono.