Suukuwo 4:11 - Mandinka Bible

¹¹ N na maañoo, i daaturoo be le ko liyo, i neŋo be timiyaariŋ ko liyo niŋ keekewo, i la sitifeŋolu ka seera ko Libanooni yiroolu.

Suukuwo 4:11 Mawu Ofanana

1 Musa 27:27

Wo le to a sutiyaata a la, a ye a sumbu. Kabiriŋ Esawu nooroo laata Isiyaaka kaŋ, ka bo niŋ a la duŋ feŋolu la, a ye Alla daani neemoo la Yaakuba ye, a ko, “N diŋo, i nooroo ka muluŋ ne ko kunkoo, Yaawe ye meŋ neemandi.

Jabuuroolu 19:10

Itolu le mu ñaanitaa ti ka tambi sanoo la, hani saniforoo. Itolu le diyaata ka tambi liyo la, meŋ ka suleŋ lii kaañoo bala.

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

Jabuuroolu 92:13

Ì be tara la tuturiŋ Yaawe batudulaa le kono, ka yiriwaa ǹ na Alla la luwo to.

Kuma Kotoomaalu 16:24

Kuma diimaa ka munta le ko liyo, niŋ i ye a nene, a ka diyaa le, aduŋ a ka jaatoo kendeyandi le.

Kuma Kotoomaalu 5:2

fo i si tenteŋ ka i kekuwo loŋ, ka londoo soto i fokumoolu to.

Kuma Kotoomaalu 5:3

Kaatu musu jeenelaa daakumoo ka diyaa le komeŋ liyo, aduŋ a la kumoo ka tara tenkundiŋ ne komeŋ tuloo,

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Suukuwo 4:3

I daaturoo la wulewo ñiiñaata ñaameŋ, i daa be kekuuriŋ. I kenteŋo ka muluŋ ne ko roomaani* yiridiŋ talantewo i la kuŋ bitiraŋo koto.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Suukuwo 5:13

A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Yesaya 7:15

A be nono kumuŋo niŋ liyo le miŋ na, fo janniŋ waati meŋ a be kuu kendoo niŋ kuu jawoo bo la ñoo to.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.