Suukuwo 2:3 - Mandinka Bible

³ Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 2:3 Mawu Ofanana

Jabuuroolu 45:2

Ite le mu kewolu kono kee ñiimaa ti, kuma ñiimaalu le ka bo i daa kono. Alla neemata i ma le fo fawu.

Jabuuroolu 45:3

Mansa kandaa, i la hawusaroo* siti i tewo la. I horomata le, aduŋ i kandaayaata.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Jabuuroolu 89:6

Kiliŋ te saŋo santo meŋ ka munta ko ite. Kiliŋ te sembetiyolu kono meŋ niŋ i si kaañaŋ noo.

Jabuuroolu 91:1

Moo-wo-moo be sabatiriŋ Alla Sembetii Baa la suturoo kono, aduŋ a tarata Alla Tallaa la tankoo kono,

Suukuwo 1:16

N jusukuŋo, tooñaa-tooñaa, i ñiiñaata, i beteyaata. Ñaama keroo le mu ǹ na laaraŋo ti.

Suukuwo 2:5

M bambandi wayini* yiridiŋ jaaroo la, i ye n kereyandi pomoo la, kaatu kanoo meeyaa ye n saasandi le.

Suukuwo 4:13

I mu naakoo le ti, roomaani* yiroolu ka faliŋ daameŋ, ì niŋ ì diŋ diimaalu. Fudani firoolu niŋ fiifeŋ seeralaalu buka foo jee,

Suukuwo 4:16

Foño, wuli naŋ maraa karoo la, foño, wuli naŋ bulubaa karoo la, ali fee naŋ n na naakoo kono, seerandi feŋolu seeroo ye janjaŋ. N kanuntewo ye naa a la naakoo kono, a ye a yiridiŋ betoolu domo.

Suukuwo 5:16

A daakumoo diyaata, a la kuwo bee le ye n ñaabo. Yerusalaamu dimmusuriŋolu, n jusukuŋo be teŋ ne, ate le mu n teerimaa ti.

Suukuwo 7:13

Mandarake firoolu be seera diimaa dii kaŋ, yiridiŋ diimaalu siifaa bee le be ǹ na bundaa to, biriŋ a kotoomaa fo a kutamaa, ŋa mennu maabo i ye, n jusukuŋo.

Suukuwo 8:11

Wayini yiri kankaŋ ne be nuŋ Sulemani bulu, a be nuŋ Baali-Hamoni maafaŋo le la. A ye a dii kantarilaalu la, i meŋ-wo-meŋ ñanta kodiforo kuntu wuli kiliŋ ne naati la, a yiridiŋolu to, katiri waatoo.

Suukuwo 8:12

Sulemani, kantarilaa keme fula ye tara i bulu, i ye i la kodiforo kuntu wuli kiliŋo taa, bari m fanaa la yiri kankaŋo, n halaaloo, wo mu n taa le ti.

Suukuwo 8:5

Jumaa le ka naa teŋ, ka bo naŋ keñewuloo* kono, a be minindiŋ a jusukuŋo la? Musoo ko: Pomu suŋo koto, ŋa i kuniŋ jee le, i tiŋo ye i baamaa maa wo le to, i baamaa meŋ ye i wuluu, be nuŋ tiŋo to jee le.

Yesaya 25:4

I keta tankoo le ti fuwaaroolu ye, boridulaa, fentaŋolu ye ì la niitooroo waatoo, ka ì tanka foño baa ma, aniŋ ka ke ì ye dubeŋo ti, kandoo waatoo. Kaatu moo saŋaroolu la kelendiroo ka munta le ko foño baa meŋ ka sansaŋo busa,

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Yesaya 4:6

A be ke la ì ye kuyaŋo le ti aniŋ dubeŋo, ka ì tankandi kandoo la tilibuloo. A be ke la ì ye taradulaa le ti, aniŋ maabodulaa, niŋ foño baa niŋ samaa be ke la.

Esekiyeli 47:12

Baa kara fuloo bee la, yirisuŋ siifaa jamaa le be faliŋ na jee. Aduŋ a yiroolu la diŋ waatoo nene te sawuŋ na ì la, ka ke moolu ye domotaa ti, a jamboolu nene te noro la. Ì be tu la diŋ na le kari-wo-kari, kaatu wo jiyo be woyi la naŋ ne ka bo naŋ dulaa senuŋo to. Ì yiridiŋolu be ke la domotaa le ti, ì jamboolu ye ke ì ye booroo ti.”

Yoweli 1:12

Wayini yiroo jaata, sooto suŋo norota, roomaani* suŋo, tamarewo aniŋ pomu suŋo, yiroolu bee le jaata. Tooñaa, moolu la seewoo danta.

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Kiitindirilaalu 9:15

“Ŋaniŋ suŋo ko yiroolu ye ko, ‘Niŋ a ye a tara ali lafita nte le toloo la ka ke ali la mansa ti, wo to ali naa ali faŋ karafa n dubeŋo koto. Niŋ wo nte, dimbaa si bo m bala, a ye Libanooni sedari* yiroolu bee mala!’