Suukuwo 1:3 - Mandinka Bible

³ I la tulu seeralaa diyaata ñaameŋ! I too janjanta ko karabaanijiyo meŋ bonta, wo le ye a tinna sunkutoolu ye i kanu.

Suukuwo 1:3 Mawu Ofanana

Jabuuroolu 133:2

Kaatu ka ke kiliŋ ti, wo ka munta le ko, tulu senuŋ* seeralaa, ì ye meŋ boŋ Haaruna kuŋo kaŋ, a borita ka jii a booraa la, ka taa a la dendika baa kaŋo to.

Jabuuroolu 45:14

A niŋ a la duŋ feŋ ñiimaalu, ì ye a dandaŋ mansa yaa, maañoo dandaŋ sunkutoolu be bulariŋ a nooma.

2 Musa 33:12

Musa ko Yaawe ye ko, “Tooñaa le mu, i ko ŋa ñiŋ moolu ñaatonkayaa, ka taa wo bankoo kaŋ, bari i maŋ a fo n ye, n niŋ meŋ be taa ñoo la. I ko le ko, i ye n loŋ baake le, aduŋ n na kuwo ye i seewoo le.

2 Musa 33:19

Yaawe ye a jaabi ko, “M be n na beteyaa bee yitandi la i la le, aduŋ m be n too ‘Yaawe’ kankulaa la i ñaatiliŋo la le. N ñanta hiina la mennu ye, m be hiinoo dii la ì la le. N ñanta balafaa soto la mennu ye, m be balafaa la wolu ye le.”

Kuma Kotoomaalu 27:9

Karabaanijiyo niŋ cuuraayoo ka niyo seewondi le, teeriyaa fanaa diyaa mu ñoo yaamaroo le ti.

Kawandilaa 7:1

Too diyaa, wo le be tulu seeralaa ñaato, aduŋ faa luŋo, wo le be wuluu luŋo ñaato.

Suukuwo 3:6

Muŋ ne ka naa teŋ, ka bo naŋ keñewuloo* kono, ko siisii samasimmaa? A ka seera ko miiri* aniŋ cuuraayoo, ko juloolu la seerandi feŋ munkumaalu.

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Suukuwo 5:13

A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.

Suukuwo 5:5

N wulita wo le ñaama ka bundaa yele n jusukuŋo ye, miiri tuloo be suleŋ na m buloo la, karabaanijiyo be tondi la m bulukondiŋolu la, sorondaŋo kaŋ.

Suukuwo 6:8

Musu taŋ wooro si tara noo mansa bulu le, kaŋ foroyandi musu* taŋ seyi ye tara a bulu, aniŋ sunkutoolu, mennu maŋ yaatee soto.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

Matiyu 25:1

“Wo waatoo la Arijana mansabaayaa be muluŋ na le ko sunkutu taŋ, mennu ye ì la lampoolu taa, ì fintita banta ka maañootiyo benduŋ.

Yohana 12:3

Bituŋ Mariyaama ye karabaanijii kaboo taa. Ñiŋ karabaanijii daa koleŋo dadaata ka bo naride suloo le la, aduŋ a hapoo sutiyaata liitari talantewo ñoŋ ne la. A ye a maa Yeesu siŋolu la, aduŋ a ye a siŋolu fita niŋ a kuntiñoo la. Bituŋ buŋo faata niŋ karabaanijii seeroo la.

2 Korintinkoolu 11:2

M be kiiliyaariŋ ali la kuwo la le niŋ kiiliyaa la, Alla ye meŋ dundi n sondomoo kono, kaatu ŋa ali laahidi kee kiliŋ ne la, meŋ mu Kiristu* ti, fo n si ali naati a kaŋ ko sunkutoo meŋ maŋ kewo loŋ.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Lankenemoo 14:4

Wolu le mu moolu ti, mennu maŋ ì faŋolu kosondi niŋ musoolu la, bari ì tuta foroyaariŋ. Ì ka Saajiiriŋo nooma le, a taata daa-wo-daa. Ì kumakaata le ka bo hadamadiŋolu kono Alla niŋ Saajiiriŋo ye, ì keta ko siimaŋ kuŋ foloolu katiri waatoo la.