Suukuwo 1:2 - Mandinka Bible

² N sumbu, n sumbu i daa la! I la kanoo le diyaata wayinoo* ti.

Suukuwo 1:2 Mawu Ofanana

1 Musa 29:11

Bituŋ a ye Raheli sumbu, a kumboota seewoo kamma la.

1 Musa 45:15

A wo kumbootoo taata a kotooñolu kaŋ, a ye ì sumbu. Bituŋ wo le koolaa, ì naata diyaamu noo a ye.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 36:7

I la kanu bambaloo tinewo warata le. Hadamadiŋolu ka tankoo ñini ite le dampaŋo koto, moo baa, moondiŋ.

Suukuwo 1:4

N saba i nooma, ŋà m bambaŋ, n na mansa, n samba i yaa. M be seewoo la le, n jusoo ye laa i la kanoo to. M be i la kanoo le jayi la ka tambi wayinoo la. Fo musoolu si i kanu doroŋ.

Suukuwo 2:4

A ye n samba a la buŋ baa kono, a ye m muuri kanoo la.

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Suukuwo 5:16

A daakumoo diyaata, a la kuwo bee le ye n ñaabo. Yerusalaamu dimmusuriŋolu, n jusukuŋo be teŋ ne, ate le mu n teerimaa ti.

Suukuwo 7:12

Ŋà sori juuna yiri kankaŋo to, ka a juubee, fo wayini yiroolu be sorondiŋ ne, fo a firoolu be yele kaŋ ne, fo roomaani* yiroolu ye a dati le ka firi. Jee to, m be n na kanoo dii la i la le.

Suukuwo 7:6

N kanuntewo, i ñiiñaata ñaameŋ, i timinaŋo diyaata, i la kuwo ye n jusoo laa le.

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Matiyu 26:26

Kabiriŋ ì be siimaŋo la, Yeesu ye mbuuroo taa, a ye Alla tentu. Wo koolaa a ye a kuntu, a ye a dii saayiboolu la. A ko ì ye ko, “Ali a taa, ali ye a domo. Ñiŋ mu m baloo le ti.”

Luka 15:20

“Bituŋ a wulita, a taata a faamaa kaŋ. Biriŋ a be naa kaŋ, a be jamfariŋ, a faamaa ye a hayinaŋ doroŋ, a ye a suutee. A balafaata a ye. A borita, a ye a sisifaa a la, a ye a sumbu.

Kiilaalu 21:7

Kabiriŋ m̀ bota Tire, ǹ naata futa Potolemas saatewo ma. Ŋà baadiŋolu kontoŋ, ǹ sabatita ì fee tili kiliŋ na.

1 Pita 5:14

Ali ñoo kontoŋ sumburu senuŋo la, meŋ mu baadiŋyaa kanoo taamanseeroo ti. Alla la kayiroo ye tara ali bee fee, alitolu mennu mu Kiristu taa ti.