Sefaniya 3:3 - Mandinka Bible

³ Ñaatonkoolu mennu be jee, ì ka muluŋ ne ko jata bumbunnaa, a kiitiikuntulaalu ka muluŋ ko suluu konkoriŋo, ì be hadumeriŋ, ì buka hani kulu jaaroo faŋo le tu, wulaaroo niŋ soomandaa teema.

Sefaniya 3:3 Mawu Ofanana

Kuma Kotoomaalu 28:15

Ko jatoo meŋ be bumbuŋ kaŋ, waraŋ daafeŋ saŋarariŋo*, meŋ pareeta boyinkandiroo la, mu moo jawoo le ti, meŋ ka sembentaŋolu mara.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Yesaya 5:29

Ì kumakaŋo ka munta le ko jatoo. Ì ka bumbuŋ ne ko jata mendiŋo. Ì ka ŋuura le, ì ye ì la suboo ñapinkaŋ. Ì ka a samba le, moo buka a taa noo ì bulu.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 23:11

Yaawe ko: “Annabiyomoolu niŋ piriisoolu* bee mu Alla sookilaalu le ti, hani m Batudulaa Buŋo* kono ŋa ì la kuu kuruŋolu je jee le.” Yaawe le ye a fo.

Yeremiya 34:19

Wolu le mu Yahuuda maralilaalu ti, Yerusalaamu maralilaalu, mansakundaa alifaalu, piriisoolu*, aniŋ bankoo moolu bee, mennu taamata ka tambi niŋ tuuraariŋo kuntu fuloo teema la.

Yeremiya 5:6

Wo kamma la jatoolu be bo la sutoo kono le ka ñapi ì kaŋ, suluwolu ye bo naŋ keñewuloo* kono ka ì kasaara. Soloolu be bitiriŋ ì la saatewolu kamma le, moo-wo-moo fintita banta, ì ye a faraŋ-faraŋ, kaatu ì la balaŋo warata le, ì la badali maañaalu siyaata.

Esekiyeli 22:6

“A juubee baŋ, Banisirayila maralilaalu mennu be sabatiriŋ ite Yerusalaamu kono, ka ì semboo taa ñaameŋ ka tu moolu faa la ka ì yeloo boŋ i kono taariŋ.

Esekiyeli 33:26

Ali ye moofaa jamaa le ke, aduŋ ali ye kuu haraamuriŋ jamaalu le fanaa ke. Moo-wo-moo niŋ a siiñoo la musoo ye jeenoo ke le. Wo to ali si ñiŋ bankoo keetaa noo baŋ?

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.