Sefaniya 2:9 - Mandinka Bible

⁹ Wo kamma la nte Yaawe Alihawaa Maariyo*, Banisirayila la Alla ye ñiŋ ne fo ko: A be koyiriŋ ñaameŋ ko nte be baluuriŋ ne, Mowabi be ke la le ko Sodomu, Ammoninkoolu ye ke ko Komora. Jeelu si ke ñaamoolu falindulaa ti, aniŋ koo lewo, jeelu ye kenseŋyaa fo fawu. N na moolu mennu tuta baluuriŋ, wolu le be ì ñapinkaŋ na, n na moolu mennu tuta baluwo to, wolu le be ì la bankoo keetaa la.”

Sefaniya 2:9 Mawu Ofanana

Yesaya 11:14

Ì be Filisitinkoolu boyinkaŋ na ñoo la tilijii karoo la le, ì ye tilibolankoolu fanaa ñapinkaŋ. Ì si ì buloo laa Edomu niŋ Mowabi kaŋ, Ammoninkoolu ye soŋ ì ma.

Yesaya 25:10

Yaawe maakoyiri buloo be tara la ñiŋ konkoo kaŋ ne, bari a be Mowabinkoolu la kuwo jindi la le, ì ye ì toñonka ko siimaŋ kaloo meŋ be jambandi dinkoo kono.

Yesaya 49:18

I dandaŋolu juubee, i ye a je, meŋ be ke kaŋ. I diŋolu bee benta le ka seyi i yaa.” Yaawe kalita ñiŋ ne la ko: “A be koyiriŋ ñaameŋ ko nte be baluuriŋ ne, i be kibiri la i diŋolu la kuwo la le, ko maañoo ka kibiri a la ñaroolu la ñaameŋ.

Yeremiya 46:18

Mansoo ye ñiŋ ne fo ko: “A be koyiriŋ ñaameŋ ko nte be baluuriŋ ne, nte meŋ too mu Yaawe Alihawaa Maariyo ti, Tabori Konkoo ye buŋ konkoolu kono ñaameŋ, aniŋ Karimeli Konkoo be jimbandiŋ Baa Baa* kunto ñaameŋ, meŋ be naa ali kele la, a be ke la ali ye wo le ñaama.

Yeremiya 48:1

Ñiŋ kiilaariyaa kumoo le fota Mowabi ma: Yaawe* Alihawaa Maariyo*, Banisirayila la Alla ye ñiŋ ne fo ko: “Kooroo be Nebo saatewo ye, kaatu a be tumbuŋ na le. Kiriyatayimu be bula la maloo kono le, ì ye jee saatewo muta, maloo ye laa a tatoo kaŋ ka a boyi.

Yeremiya 49:1

Ñiŋ kiilaariyaa kumoo le fota Ammoninkoolu ma: Yaawe* ye ñiŋ ne fo ko: “Fo diŋ te Banisirayila baŋ? Fo keetaalaa te a la baŋ? Wo to muŋ ne ye a tinna Moleki jalaŋo ye Kadu tundoo taa, a la moolu siita a saatewolu to?

Yeremiya 49:18

A be ke la le ko Sodomu niŋ Komora, aniŋ ì dandanna saatewolu kasaarata ñaameŋ. Moo te sabati la Edomu kotenke, hani moo te sii la jee fereŋ.

Yeremiya 49:33

“Hasori be ke la kunkuwuloolu la daakaa le ti, ka kenseŋyaa fo fawu. Moo te sabati la jee, moo te sii la jee fereŋ.”

Yeremiya 50:40

Ko nte Alla ye Sodomu niŋ Komora kasaara ñaameŋ, ì niŋ ì dandanna saatewolu, moo te sii la Babiloni fanaa, sako moo si sabati jee.” Yaawe le ye a fo.

Amosi 1:13

Yaawe ye ñiŋ ne fo ko, “Ammoninkoolu ye landatambi junube kuwolu le ke. Ì ye keloo le ke, ì ye musu konomaalu konoolu fara Kileyadi tundoo kaŋ, danko doroŋ ka ì la bankoo lafaa. Wo kamma la n te ì jaraboo baayi la muk.

Amosi 2:1

Yaawe* ye ñiŋ ne fo ko, “Mowabinkoolu ye landatambi junube kuwolu le ke. Ì ye Edomu mansakewo kuloolu jani ka a ke lasoo ti. Wo kamma la n te ì jaraboo baayi la muk.

Sefaniya 2:14

Jee ye ke beeyaŋ koorewolu laadulaa ti, aniŋ wulakono daafeŋolu siifaa bee. Sonkosonkoolu niŋ ballabaariŋolu ye i laa a tumbuŋolu to, kiikiyaŋolu si kuma a palanteeroolu to, kaanaalu ye kuma a bundaa kuŋolu to, ì la bunkono sedari* babaroolu ye koloŋ.

Sefaniya 2:7

A be ke la Yahuuda moolu le taa ti mennu tuta baluuriŋ. Ì be kali la ì la beeyaŋolu daañini la jee le, ì ye i laa Asikeloni buŋolu kono wulaaroo. Yaawe, ì la Alla le be ì topatoo la, a ye ì la neemoo murundi ì kaŋ.

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

Jakariya 2:13

Duniyaa moolu bee ye i deyi Yaawe ñaatiliŋo la, kaatu a wulita naŋ ne ka bo a taradulaa senuŋo to.

4 Musa 14:21

A be koyiriŋ ñaameŋ ko nte be keriŋ ne, aniŋ ko n na kallankeeyaa* be duniyaa bee kono ñaameŋ, ŋa n kali ñiŋ na ko:

Roomankoolu 14:11

kaatu a be safeeriŋ ne ko: “Maariyo kalita ñiŋ ne la ko, ‘A be koyiriŋ ñaameŋ ko nte be baluuriŋ ne, moolu bee be ñoyi la n ñaatiliŋo la le, ì neŋolu kiliŋ-kiliŋ naa be jayiroo dii la Alla la le.’ ”

5 Musa 29:22

Jamaanoolu mennu be naa la alitolu koolaa, aniŋ tumarankewolu mennu bota banku jamfariŋo to, ì be bankoo la tumbuŋo je la le, aniŋ Yaawe ye kuuraŋ jawoolu mennu laa a kaŋ.

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.