Sefaniya 2:3 - Mandinka Bible

³ Alitolu fammajiilaalu mennu be bankoo kaŋ, ali ka Yaawe la yaamaroolu nooma, ali tenteŋ ka Yaawe la kuwo ñiniŋ. Ali tu hameriŋ ka bula tiliŋo nooma, a niŋ fammajiyo. Fo tumandoo niŋ Yaawe la ñiŋ kamfaa luŋo siita, ali si tu tankoo kono.

Sefaniya 2:3 Mawu Ofanana

2 Samuweli 12:22

A ye ì jaabi ko, “Kabiriŋ dindiŋo be baluuriŋ, n sunta le, aduŋ n kumboota le. Ŋa a miira ko, jumaa le ye a loŋ, Yaawe si balafaa n ye noo le, a ye dindiŋo balundi n ye.

Jabuuroolu 105:4

Ali ñinindiri ke Yaawe la, aniŋ a la semboo, ali a ñini ka tara a ñaatiliŋo la waati-wo-waati.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 22:26

Fentaŋolu be domoroo ke la le ì ye kaañaŋ. Moolu mennu ka Yaawe ñiniŋ, wolu le be a jayi la. Allamaa ali ye jusulaa fo abadaa.

Jabuuroolu 31:20

I ka ì sutura le, ì ye tara i fee suturoo kono, ka tanka moolu la kiriikaraa ma. I ka ì muta kuu i sabatidulaa le to, ka ì tankandi neŋ fatiŋolu ma.

Jabuuroolu 45:4

I la kandaayaa kaŋ, i la taamaraŋ suwoo borindi ka nooroo ke, ka tooñaa, fammajiyo, aniŋ tiliŋo taamandi. I be kuu baalu ke la i semboo le la.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Jabuuroolu 76:9

tuma meŋ na ite Alla wulita ka kiitiyo kuntu, ka duniyaa moo toorariŋolu bee tanka. S

Jabuuroolu 91:1

Moo-wo-moo be sabatiriŋ Alla Sembetii Baa la suturoo kono, aduŋ a tarata Alla Tallaa la tankoo kono,

2 Musa 12:27

ali a fo ì ye ko, ‘Yaawe Tambi Tumoo sadaa* le mu Yaawe ye, meŋ tambita Banisirayilankoolu la buŋolu la, mennu be Misira. A ye ǹ na koridaalu tankandi le, kabiriŋ a ka Misirankoolu faa.’ ” Bituŋ moolu sujudita, ì duwaata.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 1:17

Ali kuu kendoo baara. Ali a je ko tiliŋo ye taama, ali ye moolu maakoyi mennu be mantooroo kono. Ali aliyatiimoolu la hakoo dii ì la, ali ye furuyaamusoolu la boloo dii ì la.”

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Yeremiya 39:18

A ko, “A be koyiriŋ ne ko m be i tankandi la le, i te faa la niŋ hawusaroo* la. I la baluwo be ke la i ye le ko ì ye meŋ kumakaa ka bo keloo to, i niyo be kana la le, i ye baluu, bayiri i laata nte la le.” Yaawe le ye a fo.

Yeremiya 45:5

Wo to fo ite ñanta le ka kuwolu ñiniŋ i faŋo ye, mennu warata? Kana wolu ñiniŋ. Kaatu ko, m be kasaaroo le naati la moo bee kaŋ. Bari i taata daa-wo-daa, m be a je la le ko, i niyo, wo ye kana.” Yaawe le ye a fo.

Esekiyeli 13:5

Wo annabiyomoolu maŋ Banisirayila tata sansaŋo dulaa laamaariŋolu wulindi, waraŋ ka a tatoo faroo suki, fo moolu si tanka noo keloo kono Yaawe la luŋo la.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Hoseya 7:10

Banisirayila la faŋ waroo le keta a faŋo seedoo ti. A be bataa kono ñaa-wo-ñaa, a maŋ muru Yaawe kaŋ, a la Alla, sako ka a la maakoyiroo ñini.

Yunusa 3:9

Jumaa le ye a loŋ? Alla si yamfa noo le, aduŋ a si balafaa soto, a la jusukandoo ye yelema ǹ ye jusu sumayaa ti, i si a je ǹ te kasaara la.”

Jakariya 8:19

Yaawe Alihawaa Maariyo ye ñiŋ ne fo ko: Ali ka luŋolu mennu suŋ saŋo kari naaninjaŋo, kari luulunjaŋo, kari woorowulanjaŋo, aniŋ kari tanjaŋo la, wolu be ke la seewoo niŋ kontaani waatoo le ti, ka ke Yahuuda moolu ye juurali luŋolu ti. Wo to ali tooñaa niŋ kayiroo kanu.

Matiyu 5:5

“Barakoo be moolu ye, mennu ye i fammajii, kaatu ì be duniyaa keetaa la le.

1 Tesalonikankoolu 4:1

Baadiŋolu*, m̀ be ali daani kaŋ Maarii Yeesu Kiristu* too la ka baluu niŋ baluuñaa la meŋ ka Alla seewondi. Wo mu baluuñaa le ti, ali ye meŋ karaŋ nuŋ ntolu bulu, aduŋ tooñaa, ali be baluuriŋ wo le ñaama. Wo ñaa-wo-ñaa, m̀ be ali wakiilindi la ka ali la katoo kafu,

1 Tesalonikankoolu 4:10

Tooñaa le mu ko, ali ye baadiŋolu bee le kanu, mennu be Makedoniya tundoo kaŋ, bari m̀ be ali wakiilindi la ka ñoo kanu hani ka tambi nunto la.

1 Pita 1:22

Baawo ali ye tooñaa yaamaroo muta baadiŋ kanoo la kuwo to le, aduŋ wo ye ali sondomoolu seneyandi le, wo to ali ñoo kanu ali sondomoo bee la.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.