Sefaniya 2:2 - Mandinka Bible

² janniŋ ì be ali bayi la, ko foñoo ka fuufulewo tindi ñaameŋ, janniŋ Yaawe* be jusubo la ali kamma, janniŋ Yaawe la kamfaa luŋo be futa la ali ma.

Sefaniya 2:2 Mawu Ofanana

Yuuba 21:18

Fo foñoo nene ka ì fee le ko siimaŋ kaloo baŋ, waraŋ foño baa ye ì samba ko fuufulewo?

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Yeremiya 23:20

Yaawe la kamfaa te sumayaa la, fo niŋ a ye a la lafoo bee timmandi, mennu be a sondomoo to. Wo luŋolu la, labandulaa to, ali be a kuwo fahaamu la le kendeke.

Yeremiya 4:4

Alitolu Yahuuda niŋ Yerusalaamu moolu, ali ali sondomoo faŋo le sunna nte Yaawe ye. Niŋ wo nte, n na kamfaa si wuli ko dimbaa, a ye mala, moo te soto noo la ka a faa, ali la kuu jawu kewolu kamma la.”

Niikuyaa Suukuwolu 4:11

Maarii Yaawe* ye a la kamfaa fijoo bee le jii, a ye a la jusukandoo kupi naŋ, a ye dimbaa mala Siyoni kono, a ye a jani fo a fondamaŋolu to.

Esekiyeli 12:25

Bari kuma-wo-kuma, niŋ nte Yaawe le ye a fo, m be a ke la le. Aduŋ n te a waatoo dukundi la kotenke. Alitolu moo muritiriŋolu, ŋa ali dandalaa kuu-wo-kuu la ko, a be naa le, m be a bee ke la ali ñaa la le.” Maarii Yaawe le ye a fo.

Hoseya 13:3

Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Sefaniya 3:8

Wo kamma la, Yaawe ye ñiŋ ne fo, a ko: “Ali i lamoyi m ma, fo janniŋ luŋo meŋ m faŋo be wuli la ka ke bankoolu la kuwolu tuumilaa ti. M pareeta le ka bankoolu bendi ñoo kaŋ, ka mansamarali bankoolu kafu ñoo ma, ŋa n na jaraboo jiyo jindi naŋ ì kaŋ, n na kamfaa baa. Duniyaa bee ye kasaara, n na kamfaa dimbaa la.”

Matiyu 24:35

Saŋo niŋ bankoo be yeemaŋ na le, bari nte la kumoolu te yeemaŋ na muk.