Ruti 4:13 - Mandinka Bible

¹³ Bowasi naata Ruti futuu, a ye a ke a la musoo ti. Bituŋ ì la kafoo koolaa, Yaawe naata a harijee dinkewo la.

Ruti 4:13 Mawu Ofanana

1 Musa 20:17

Ñiŋ kuwo la kewo Saara la, Iburayima la musoo, Yaawe* ye musoolu bee wuluuñaŋolu soroŋ, mennu be Abimeleki la dulaa to. Wo le to Iburayima naata duwaa Abimeleki ye. Bituŋ Alla ye a kendeyandi. A ye a la musoo fanaa kendeyandi, aniŋ a la joŋ sunkutoolu, fo ì si naa diŋolu soto noo kotenke.

1 Musa 25:21

Isiyaaka duwaata a la musoo ye Yaawe* ñaatiliŋo la, kaatu musu boorewo le mu. Bituŋ Yaawe ye a la duwaa jaabi. A la musoo Rebeka naata konoo taa.

1 Musa 29:31

Kabiriŋ Yaawe* ye a je ko, Yaakuba la kanoo semboo maŋ wara Leya kaŋ, a ye Leya konoo yele. Bituŋ Raheli, wo keta jiidibaloo ti.

1 Musa 30:2

Yaakuba kamfaabaata a kamma, a ko a ye ko, “Fo nte le mu Alla ti baŋ, meŋ ye jiidibaliyaa saabu i ma?”

1 Musa 33:5

Kabiriŋ Esawu ye a kuŋo wulindi, a ye musoolu niŋ dindiŋolu je, a kumata ko, “I niŋ ñiŋ moolu mennu naata mu jumaalu le ti?” Yaakuba ko a ye ko, “Ñinnu mu diŋolu le ti, Alla ye mennu dii i la dookuulaa la a la hiinanteeyaa kono.”

Jabuuroolu 113:9

Ate le ka a tinna musu jiidibaloo ye horomoo soto suwo kono, a ka diŋolu dii a la le, a ye a seewondi. Ali Yaawe jayi.

Jabuuroolu 127:3

Diŋolu mu soorifeŋo le ti ka bo Yaawe bulu, ì mu a la jooroo le ti.

Ruti 3:11

Wo to saayiŋ, n dimmusoo, kana sila, kaatu n na moolu, mennu bee be saatewo to jaŋ, ye a loŋ ne ko, ite mu musu kendoo le ti. I ye feŋ-wo-feŋ fo n ye, m be wo le ke la i ye.

Ruti 4:12

Allamaa Alla ye i la buŋo ke ko Peresi la buŋo, Tamara ye meŋ wuluu Yahuuda la, ka bo niŋ diŋolu la, Yaawe be mennu dii la i la ñiŋ musoo la.”

1 Samuweli 1:27

N duwaata nuŋ ñiŋ diŋo le la, aduŋ Alla ye n na natoo timmandi n ye le.

1 Samuweli 2:5

Moolu mennu ka daañinoo soto nuŋ kendeke, saayiŋ wolu le ka ì faŋolu luwaasi banta, fo ì si domoroo soto. Bari moolu mennu konkota nuŋ, wolu maŋ konko kotenke. Musu jiidibaloo ye konoñaa woorowula wuluu, bari musu jiidilaa meŋ ye dinkee jamaa soto, wo tuta foo la semboo la.