Ruti 4:12 - Mandinka Bible

¹² Allamaa Alla ye i la buŋo ke ko Peresi la buŋo, Tamara ye meŋ wuluu Yahuuda la, ka bo niŋ diŋolu la, Yaawe be mennu dii la i la ñiŋ musoo la.”

Ruti 4:12 Mawu Ofanana

1 Musa 38:29

Bari deenaanoo naata a buloo murundi konoto le, a mooñoo fintita naŋ. Bituŋ timmutalaa ko, “Ite ye muŋ faŋ forisee le ke teŋ!” Wo kamma la, ì naata a toolaa Peresi la.

1 Musa 46:12

Yahuuda dinkewolu, wolu le mu Sela ti, Peresi aniŋ Sera. Yahuuda dinkee doolu, Eri aniŋ Onani, wolu faata Kanaani bankoo le kaŋ. Peresi dinkewolu, wolu le mu Hesironi ti, aniŋ Hamuli.

1 Taarika 2:4

Yahuuda bitammusoo meŋ mu Tamara ti, fanaa ye diŋolu wuluu a ye le, Peresi aniŋ Sera. Yahuuda dinkewolu bee kafuriŋo mu moo luulu le ti.

Malaki 2:15

Fo Yaawe le maŋ kewo niŋ a la musoo ke jaata kiliŋ aniŋ noora kiliŋ ti baŋ? Muŋ ne ye a tinna a ye wo ke? Kaatu a lafita le ali ye koomalankoolu soto, meŋ be bula la ate Alla nooma. Wo kamma la ali ali hakiloo tu ali faŋ to, ali kana foroyaabaliyaa tiliŋ ali la musoolu la, ali ye mennu futuu ali la fondinkeeyaa waatoo la.

Matiyu 1:3

Yahuuda le ye Peresi niŋ Sera wuluu, mennu baamaa mu Tamara ti. Peresi le ye Hesironi wuluu, Hesironi ye Ramu wuluu.

Ruti 4:18

Ñiŋ ne keta Peresi koomalankoolu ti: Peresi le ye Hesironi wuluu.

1 Samuweli 2:20

Eli si duwaa Elikana niŋ a la musoo ye, ka a fo ko, “Allamaa Yaawe ye diŋolu dii i la ka bo niŋ ñiŋ musoo la, ka ñiŋ noo taa, a ye meŋ na kuwo daani, aduŋ a ye a dii Yaawe la.” Niŋ a duwaata a ye, wo koolaa le ì ka seyi suwo kono.