Ruti 2:19 - Mandinka Bible

¹⁹ Bituŋ a bitammusu ko a ye ko, “I ye karaŋ feefewo ke mintoo le bii? I ye dookuwo ke mintoo le? Allamaa neema ke la ñiŋ kewo ye, meŋ ye i kalamuta.” Wo to le Ruti naata a fo a bitammusu ye, a ye dookuwo ke meŋ na dulaa to. A ko, “Ŋa dookuwo ke kewo meŋ na kunkoo to bii, a too mu Bowasi le ti.”

Ruti 2:19 Mawu Ofanana

1 Mansoolu 7:21

Huramu ye ñiŋ samasiŋolu loo Alla Batudulaa Buŋo pereŋo le kaŋ. Samasiŋo meŋ be bulubaa la wo ka kumandi nuŋ Yakini le la, aduŋ doo meŋ be maraa la wo ka kumandi nuŋ Bowasi le la.

Jabuuroolu 41:1

Neemoo be moo le ye meŋ ka moo koririŋolu hati, Yaawe* be a tankandi la le mantooroo waatoo la.

Jabuuroolu 41:2

Yaawe be a tanka la le ka a tu baluwo to. A be neema la a ma bankoo kaŋ ne. A te a tu la a jawoolu ye ì sawoo soto a la.

Jabuuroolu 44:1

Kooni Alla, m̀ faŋolu tuloolu le ye a moyi, ǹ na alifaa foloolu ye a fo ǹ ye le, i ye kaawakuwolu mennu bee ke ì tiloo la, waati jaŋ koomanto.

Ruti 2:10

Bituŋ Ruti ñoyita bankoo to, a kunjimintoo diyaamuta ka a fo Bowasi ye ko, “Muŋ ne ye a tinna nte ye ñiŋ balafaa soto ite ñaato ka beteyaa m fee teŋ, nte mu luntaŋo ti ñaa-wo-ñaa?”